Numeri 10:9 - Siswati 1996 Bible

⁹ Naniyakulwa imphi eveni lenu nihlaselwa titsa tinivimbetela, niyawukhalisa licilongo ngetikhawu tekuhlaba inyandzaleyo. Mine, Simakadze, Nkulunkulu wenu ngiyakunikhumbula nginisite, bese ngiyanephula etitseni tenu.

Numeri 10:9 Referencias Cruzadas

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

2 Tikhronike 13:14

BakaJuda bagucuka babona kutsi bese bahlaselwa ngembili nangemuva. Base bakhala kuSimakadze. Baphristi bashaya emacilongo abo,

Tihlabelelo 106:4

Awu, Simakadze, ngikhumbule nawusentela umusa sive sakho, nami ungisindzise kanye naso,

Tihlabelelo 106:42

Titsa tabo tabacindzetela, batfotjiswa ngephansi kwesandla sato.

Tihlabelelo 136:23

Nguye lowasikhumbula ekwehlulekeni kwetfu, ngobe umusa wakhe ume kuze kube phakadze.

Isaya 18:3

“Nonkhe nine tive temhlaba, nine lenihlala kulomhlaba, nakuphakanyiswa siboniso semphi entsabeni, nibobuka, nakukhala licilongo, nilalelisise.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 4:21

Sekuyawuze kube ngunini solomane ngibuka lesiboniso semphi, ngilalele umsindvo welicilongo?

Jeremiya 4:5

“Memetelani kaJuda nibatjele nebaseJerusalema, nitsi: “ ‘Shayani licilongo kulo lonkhe live!’ Memetani kakhulu nitsi: ‘Butsanani ndzawonye! Asibalekeni siye emadolobheni labiyelwe.’

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Jeremiya 6:1

“Balekani niyewubhaca, sive sakaBhenjamini! Sukani eJerusalema nibaleke! Shayani impalampala eThekhowa! Phakamisani siboniso semlilo eBhethi Hakheremu! Ngobe kulunguta inhlekelele, ichamuka ngasenyakatfo, yebo, imbhubhiso lenkhulu.

Jeremiya 6:17

Ngabeka balindzi etikwenu, ngatsi: ‘Lalelani kukhala kwempalampala,’ kodvwa nine natsi: ‘Ngeke sikulalele.’

Hezekeli 7:14

Nome bakhalisa licilongo, batilungiselele ngako konkhe, kute namunye loyakuya emphini, ngobe lulaka lwami lusetikwalesicumbi sonkhe.”

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

Levithikusi 23:24

“Shano kuma-Israyeli utsi: ‘Ngelilanga lekucala enyangeni yesikhombisa niyawuba nelilanga lekuphumula, umkhosi loyawumenyetelwa ngekukhaliswa kwemacilongo, umhlangano longcwele.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Zefaniya 1:16

lilanga lelicilongo nelekuhlaba inyandzaleyo yekumelana nemadolobha latinqaba neyekumelana nemibhoshongo yemakona.

Numeri 31:6

Mosi wabatfumela emphini. Kwaphuma inkhulungwane esiveni sisinye, wabakhipha naFinehasi, umsa wa-Eleyazare, umphristi. Yena-ke watsatsa tintfo endzaweni lengcwele, watsatsa nemacilongo lababetawukhombisa ngawo indlela.

1 kubaseKorinthe 14:8

Ngobe nangabe impalampala ingakhali ngalokuvakalako, ngubani longatilungiselela kuya emphini?

Dutheronomi 20:1

“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

Joshuwa 6:5

Nitawutsi ningeva bawashaya badvonsa sikhatsi lesidze, bonkhe bantfu bamemete kakhulukati; lubondza lwalelidolobha lutakuwa, bantfu bese bangena ngekhatsi, ngulowo nalowo lapho angakhona khona.”

Tikhulu 10:12

nebaseSidoni, nema-Amaleki, nemaMayoni anicindzetela nakhala kimi, nicela lusito, angizange yini nginephule etandleni tabo?

Tikhulu 10:8

labancoba ngalowo mnyaka abacindzetela. Kwadzimate kwaphela iminyaka leli-18 solomane baka-Israyeli bacindzetelekile bonkhe, labebakhe ngasemphumalanga kweJordane, eveni lema-Amori, kulakaGileyadi.

Tikhulu 2:18

Kwakutsi njalo nje Simakadze nakabavusela sikhulu, abenaso lesikhulu, abasindzise etandleni tetitsa tabo, nasisekhona leso sikhulu; ngobe Simakadze abeba nesihe nabo ngesikhatsi sebakhaliswa kucindzetelwa nakushaywa titsa tabo.

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.

Tikhulu 6:34

Moya waSimakadze wehlela etikwaGideyoni; Gideyoni washaya licilongo atjela baka-Abiyezeri kutsi bamlandzele.

Tikhulu 6:9

Nganihlwitsa emandleni eGibhithe nasesandleni sebagcilati benu. Ngabadvungulula embikwenu, nganinika live labo.

1 Samuweli 10:18

Watsi kuso: “Naku lokushiwo nguSimakadze Nkulunkulu wema-Israyeli, utsi: ‘Israyeli ngamkhuphula, ngamkhipha eveni laseGibhithe; nganephula emandleni ebaseGibhithe, nakuyo yonkhe imibuso leyayinigcilata.’