Numeri 10:10 - Siswati 1996 Bible

¹⁰ Nangemikhosi yenu yekujabula, ngemkhosi wekwetfwasa kwenyanga lensha nangaleminye imikhosi yekukhonta, niyawushaya emacilongo, nanetfula iminikelo yenu yekushiswa neminikelo yenu yekuthula lenguyona iyawuba sikhumbuto senu embikwaNkulunkulu wenu. Mine nginguSimakadze Nkulunkulu wenu.”

Numeri 10:10 Referencias Cruzadas

2 Emakhosi 4:23

Yabuta yatsi: “Pho, uyelani kuye lamuhla? Isengaketfwasi inyanga, futsi akusilo neliSabatha.” Lomkakhe watsi: “Kulungile.”

1 Tikhronike 15:24

BoShebaniya, naJosafati, naNethaneli, na-Amasayi, naZakhariya, naBhenaya kanye na-Eliyezeri bona bekubaphristi lekwakufanele bashaye emacilongo embikwelibhokisi lesivumelwane saNkulunkulu. Bo-Obedi Edomu naJehiya nabo bakhetselwa kutsi babe bomahlalesangweni belibhokisi lesivumelwane.

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

1 Tikhronike 16:42

BoHemani naJeduthuni bona umsebenti wabo bekukushaya emacilongo, nemasimbali kanye nekudlala letinye tingubhu tekuhlabela ingoma lengcwele yekudvumisa. Emadvodzana aJeduthuni wona abema esangweni.

2 Tikhronike 29:26

Ngako emaLevi ema asatilungiselele aphetse tingubhu taDavide kanye nebaphristi nabo sebaphetse emacilongo abo.

2 Tikhronike 29:28

Lonkhe libandla lakhonta ngekukhotsama, bahlabeli basahlabela nebashayi bemacilongo basawashaya. Konkhe loku kwachubeka kwaze kwaphela umnikelo wekushiswa.

2 Tikhronike 7:6

Baphristi bema ngetindzawo tabo, njengobe kwenta nemaLevi, banetingubhu temculo, letatentiwe yinkhosi Davide, itentele kudvumisa Simakadze, letatiphindze tisetjentiswe nakambonga atsi: “Umusa wakhe ume kuze kube phakadze.” Malungana nemaLevi baphristi nabo babeshaya emacilongo, lapho onkhe ema-Israyeli aseme ngetinyawo.

Ezra 3:10

Batsi kube bakhi babeke sisekelo selithempeli laSimakadze, baphristi lababegcoke tembatfo tabo, baphetse emacilongo, bakanye nemaLevi, emadvodzana a-Asafa, labephetse bokhencekhence, bonkhe bema ngabolonina balungela kudvumisa Simakadze, njengobe kwakuvele kwahlelwa nguDavide, inkhosi yema-Israyeli.

Nehemiya 12:35

ngisho nalabanye baphristi lababenemacilongo kanye naZakhariya, umsa waJonathani, umsa waShemaya, umsa waMathaniya, umsa waMikhaya, umsa waZakhuri, umsa wa-Asafa,

Tihlabelelo 150:3

Mdvumiseni ngekushaya licilongo, nimdvumise ngehabhu nangelugitali.

Tihlabelelo 81:3

Vutselani impalampala ekwetfwaseni kwenyanga, nangesikhatsi seyidvulungile ngelilanga lemkhosi wetfu.

Tihlabelelo 81:4

Ngobe loku kusimiso saka-Israyeli, nemtsetfo waNkulunkulu waJakobe.

Tihlabelelo 89:15

Yebo, Simakadze! Sibusisiwe sive lesati kahle kutsi kuyini kumpompoloza ngenjabulo, sihambe ekukhanyeni kwebuso bakho.

Eksodusi 28:29

“Ngesikhatsi Aroni angena endzaweni lengcwele utabokwembatsa lesembatfo sesifuba lesinemabito emadvodzana aka-Israyeli, khona atawubokhumbuleka njalo nje kuSimakadze.

Eksodusi 30:16

Lemali leyinhlawulo uboyibutsa kuma-Israyeli, uyisebentise ekuchubeni nasekusekeleni inkonzo yelithende lekuhlangana. Lemali ngeyekuhlenga timphilo tabo, khona mine, Simakadze, ngitabokhumbula kuphephisa sive saka-Israyeli.”

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Levithikusi 23:24

“Shano kuma-Israyeli utsi: ‘Ngelilanga lekucala enyangeni yesikhombisa niyawuba nelilanga lekuphumula, umkhosi loyawumenyetelwa ngekukhaliswa kwemacilongo, umhlangano longcwele.

Numeri 10:9

Naniyakulwa imphi eveni lenu nihlaselwa titsa tinivimbetela, niyawukhalisa licilongo ngetikhawu tekuhlaba inyandzaleyo. Mine, Simakadze, Nkulunkulu wenu ngiyakunikhumbula nginisite, bese ngiyanephula etitseni tenu.

Numeri 28:11

“ ‘Ngelilanga lekucala enyangeni niyakwetfula kuSimakadze umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa, lanemnyaka munye budzala, nalangenasiyela.

Numeri 29:1

“ ‘Ngelilanga lekucala lenyanga yesikhombisa niyawuba nemhlangano longcwele, ningatsintsi lutfo lolungumsebenti. Lilanga lenu lekushaya emacilongo.

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

1 kubaseKorinthe 15:52

ngesikhashana, ngekucwabita kweliso, ngelicilongo lekugcina. Ngobe licilongo liyawukhala, labafile bavuswe bangasenakubola, tsine siguculwe.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

1 kubaseThesalonika 4:18

Ngako-ke dvudvutanani ngalamavi.

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

1 Samuweli 20:5

Ngako Davide watsi: “Buka la, kusasa kunemkhosi wekwetfwasa kwenyanga, mine kufanele ngidle nenkhosi; kodvwa ase ngimane ngiyewubhaca esigangeni, kuze kube nguntsambama yangemhlomunye.