Numeri 1:50 - Siswati 1996 Bible

⁵⁰ Esikhundleni saloko, beka emaLevi kutsi aphatse lelithende lesivumelwane nako konkhe lokukulo lokuhambisana nalo. Kufanele etfwale lelithende nato tonkhe timphahla letihambisana nalo; yebo, kufanele alinakekele, ente inkonzo kulo, akambe emathende awo alitungelete.

Numeri 1:50 Referencias Cruzadas

2 Tikhronike 24:6

Ngako inkhosi yabita Jehoyada, umPhristi Lomkhulu, yatsi kuye: “Awukawatjeli ngani emaLevi kutsi aletse umtselo lophuma kaJuda naseJerusalema lowasungulwa nguMosi, inceku yaSimakadze, kanye nenhlanganiso yema-Israyeli kutsi ube welithende lebufakazi?”

Nehemiya 12:22

Tinhloko temindeni yemaLevi ngetikhatsi tabo-Eliyashibi, naJoyada, naJohanani, naJaduya kanye naleto tebaphristi taze tabhalwa ngesikhatsi sekubusa kwaDariyusi wasePheresiya.

Nehemiya 12:47

Ngako ngetikhatsi taboZerubhabheli naboNehemiya, onkhe ema-Israyeli abeletsa umnikelo welilanga ngelilanga webahlabeli newabomahlalesangweni. Ngabo futsi labebabela lawa lamanye emaLevi incenye yawo, nemaLevi ehlukanisa tabelo tetitukulwane ta-Aroni.

Nehemiya 12:8

EmaLevi wona bekuboJeshuwa, naBinuwi, naKhadmiyeli, naSherebiya, naJuda kanye naMathaniya labenguyena aphetse kanye nabomnakabo, baphetse tingoma tekudvumisa.

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Nehemiya 13:5

abemnikete lenkhulu indlu leyayikadze iyingungu yeminikelo yalokutinhlavu, neyemphepho, neyetintfo tasethempelini, neyekwelishumi kwalokutinhlavu, neyekweliwayini lelisha, neyekwemafutsa labekabelwe emaLevi, nebahlabeli, nabomahlalesangweni kanye naloko lokwakuletselwa baphristi.

Tihlabelelo 122:4

Ngulapho ikhuphukela khona imindeni yaSimakadze, iyewudvumisa Nkulunkulu, njengobe yena ayala Israyeli.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 38:21

Nalu luhla lwebungako betintfo letatisetjentiswa ekwakheni lithende lekukhontela laSimakadze, lapho kwakuhlala khona tibhelekeca tematje letimbili letatibhalwe imiyalo lelishumi. Mosi wayala kutsi loluhla lwetimphahla lubhalwe ngemaLevi labephetfwe ngu-Ithamari, umsa wa-Aroni, umphristi.

Numeri 1:53

EmaLevi wona emathende awo ayakuwamisa awatungeletise lithende lesivumelwane, khona lulaka lwami lungetikwehlela etikwesive sema-Israyeli. Kuyawuba ngumsebenti wemaLevi kunakekela nekuphatsa lithende lesivumelwane.”

Numeri 10:21

Kwase kulandzela sicheme sesive semaKhohati lesasingusona setfwala tintfo letingcwele. Sona sasitsi sifika sikhandze lithende lekukhontela selakhiwe laphelela.

Numeri 17:7

Letindvuku Mosi watitsatsa watibeka embikwaSimakadze embikwelibhokisi lesivumelwane lelalisethendeni lebufakazi.

Numeri 18:5

“Nine kufanele ninakekele indzawo lengcwele kanye nelilati, khona intfukutselo yaSimakadze ingetiwuphindza yehlele sive sema-Israyeli.

Numeri 2:17

“Lithende lekuhlangana kanye nenkambu yemaLevi kuyawumiswa emkhatsini wetinkambu. Bayawutfutsa emathende ngulowo nalowo endzaweni yakhe ngaphansi kwesiboniso sebuve bakhe.

Numeri 20:11

Ngako Mosi waphakamisa sandla sakhe washaya lelidvwala kabili ngalendvuku, emanti ampompota kulelidvwala, banatsa bona bonkhe kanye netifuyo tabo.

Numeri 4:15

Nase bacedzile bo-Aroni nemadvodzana akhe kumbonya indzawo lengcwele nato tonkhe timphahla tayo, nenkambu yonkhe seyilungele kusuka ihambe, emaKhohati kufanele kube ngiwo letfwalako, kodvwa angatitsintsi letintfo letingcwele, funa afe. “Ngito leto tintfo tasethendeni lekuhlangana letifanele kwetfwalwa ngemaKhohati.

Numeri 4:3

Bala onkhe emadvodza kusukela kulasaneminyaka lengema-30 kuya kulengema-50 budzala, labo lase bangena enkonzweni yekukhonta ethendeni lekuhlangana.

Numeri 8:19

Emkhatsini waso sonkhe sive sema-Israyeli emaLevi ngiwaphe bo-Aroni nemadvodzana akhe kutsi abe tipho tabo, ente inkonzo ethendeni lekuhlangana egameni lesive sonkhe sema-Israyeli nekutsi asentele inhlawulo yekubuyisana sitewuvikeleka esijezisweni lesingahle sisehlele, nakwenteka sisondzela endzaweni lengcwele.”

Numeri 8:20

Ngako-ke boMosi, na-Aroni, nesive sonkhe sema-Israyeli bavele bakwenta konkhe loko kumaLevi; bakwenta kuwo njengobe Simakadze abeyale Mosi.

Numeri 8:22

Emvakwaloko emaLevi eta kutakwenta umsebenti wawo ethendeni lekuhlangana ngephansi kwa-Aroni nemadvodzana akhe. Bakwenta kumaLevi konkhe loko Simakadze abeyale Mosi macondzana nawo.

Sembulo 15:5

Emvakwaloko ngatsi ngiyabuka ngabona lithempeli lasezulwini livuleka, linelithende lebukhona baNkulunkulu ekhatsi kwalo.