46 Bunyenti bawo asawonkhe aba ti-603 550.
Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.
Titukulwane takho ngiyawutenta tibe ngangelutfuli lwemhlaba, kangangekutsi nakukhona longabala lutfuli lwemhlaba, netitukulwane takho angatibala.
Simakadze wamkhiphela ngaphandle watsi: “Buka etulu esibhakabhakeni ubale tinkhanyeti, nawungatibala.” Wachubeka watsi kuye: “Nentalo yakho-ke iyawuba ngako.”
Ngitakupha intalo lenyenti, ngikwente tive letinyenti, labanye kuto bayawuba ngemakhosi.
ngiyakukubusisa impela, ngandzise titukulwane takho tibe ngangetinkhanyeti tesibhakabhaka nangangesihlabatsi selugu lwelwandle. Titukulwane takho tiyakwehlula emadolobha etitsa tato.
Hlalahlala kulelive, ngitawuba nawe ngikubusise, ngobe onkhe lamave ngitawuwanika wena netitukulwane takho. Ngitasifeza setsembiso sami lengasenta kuyihlo Abrahama.
Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.
Jowabe wabikela inkhosi linani lemadvodza emphi labalwa: Ka-Israyeli abeti-800 000, imiswahla yodvwa yemadvodza leyayingabamba inkemba; kaJuda khona abeti-500 000.
Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.
Jowabe wabikela inkhosi Davide linani lemadvodza emphi. Kulo lonkhe laka-Israyeli abesi-1 100 000, emadvodza labengabamba inkemba, bese kutsi kulakaJuda abeti-470 000.
Abiya wahloma waya emphini anemasotja lati-400 000, tingwazi todvwa, kantsi Jerobowamu abevive ngemiswahla yemasotja lati-800 000.
Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.
Ngulowo nalowo labengene elubalweni abekhipha sikalo lesisemtsetfweni, kusukela eminyakeni lengema-20 budzala kuye etulu: kwakungemadvodza lati-603 550 lebengenele lolubalo.
Onkhe ema-Israyeli kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.
Kodvwa Mosi wakhuluma watsi: “Naku lapha ngihola emadvodza lati-600 000, lahamba ngetinyawo, kodvwa ujinge utsi: ‘Ngitawubanika inyama labatayidla inyanga yonkhe!’
Nitakufa, tidvumbu tenu tigcwale lonkhe lelihlane, nonkhe nine lenineminyaka lengema-20 kuya etulu nangenela lubalo, nangisola nekungisola.
Onkhe lawa ngema-Israyeli labalwa ngemindeni yawo. Onkhe lawa labesetinkambu ngeticheme tawo aba ti-603 550.
Ngubani longabala lutfuli lwaJakobe, nome abale incenye yesive saka-Israyeli? Angimane ngife kufa kwalolungile, shangatsi nesiphetfo sami singaba njengesabo.”
Asawonkhe emadvodza esive saka-Israyeli labalwa abeti-601 730.
Bokhokho benu labehla baya eGibhithe babengema-70 sebabonkhe, kodvwa manje Simakadze Nkulunkulu wenu sewunente nandza naba ngangetinkhanyeti tesibhakabhaka.”
