Nehemiya 9:4 - Siswati 1996 Bible

⁴ Bekunendzawo leyayakhiwe ngemapulango, itsite kuphakama lapha embikwabo lapho bekunemaLevi khona: boJeshuwa, naBani, neKhadmiyeli, naShebaniya, naBuni, naSherebiya, naBani kanye naKhenani. Bona babethandaza baphakamise emaphimbo abo kuSimakadze Nkulunkulu wabo.

Nehemiya 9:4 Referencias Cruzadas

2 Tikhronike 20:19

Kwase kutsi lamanye emaLevi langemaKhohati nemaKhora asukuma advumisa Simakadze, Nkulunkulu wema-Israyeli, ngelivi lelikhulu.

Nehemiya 12:8

EmaLevi wona bekuboJeshuwa, naBinuwi, naKhadmiyeli, naSherebiya, naJuda kanye naMathaniya labenguyena aphetse kanye nabomnakabo, baphetse tingoma tekudvumisa.

Nehemiya 3:17

Eceleni kwakhe bekunemaLevi lavusa tindzawo letehlukene telubondza. Rehumi, umsa waBani, wavusa luhlangotsi lolulandzelako. Eceleni kwakhe Hashabiya, umbusi wencenye yesifundza saseKheyila, wavusa loko lokwakufanele kuvuswe bantfu besifundza sakakhe.

Nehemiya 8:4

Ezra, ingcweti yetemtsetfo, bekeme endzaweni lephakeme leyayakhiwe ngemapulango, yakhelwe wona lowo msebenti. Eceleni kwakhe ngasesandleni sekudla bekume boMathithiya, naShema, na-Anaya, na-Uriya, naHilkiya kanye naMaseya; ngasesandleni sakhe sesancele bekume boPhedaya, naMishayeli, naMalkhiya, naHashumi, naHashabadana, naZakhariya kanye naMeshulamu.

Nehemiya 8:7

Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Tihlabelelo 130:1

Nangisekujuleni kwetinhlupheko, ngikhala kuwe, Simakadze.

Tihlabelelo 3:4

Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.

Tihlabelelo 77:1

Ngakhala kuNkulunkulu, ngakhala kuye, kuze atengiva.

Sililo 3:8

Ngisho nome sengimemeta, ngikhalela kusitwa, uyivalela ngaphandle imikhuleko yami.

Johane 11:43

Asakushito loko, wamemeta ngelivi lelikhulu watsi: “Lazaro! Phuma!”

Imisebenti yebaPhostoli 7:60

Waguca phansi wamemeta ngelivi lelikhulu watsi: “Nkhosi! Ungababekeli sono ngaloku labakwentako!” Wase uyafa.