Nehemiya 9:20 - Siswati 1996 Bible

²⁰ Wabanika Moya wakho lolungile kutsi abafundzise. Awuzange uyigodle imana yakho emilonyeni yabo, wabanatsisa emanti, nase bomile.

Nehemiya 9:20 Referencias Cruzadas

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Tihlabelelo 105:41

Wavula lidvwala, kwampompota emanti, ageleta ehlane njengemfula.

Tihlabelelo 143:10

Ngifundzise kwenta intsandvo yakho, ngobe wena unguNkulunkulu wami. Moya wakho lomuhle akangiholele endleleni lebekile.

Eksodusi 16:15

Atsi ema-Israyeli kube akubone loko, akhuluma abutana odvwana atsi: “Yini lena?” ngobe abengati kutsi kuyini. Mosi wabaphendvula, watsi: “Sinkhwa lenisiphiwe nguSimakadze kutsi nisidle.

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Eksodusi 16:4

Simakadze wakhuluma kuMosi, watsi: “Lalela la! Ngitanehlisela imvula yesinkhwa lesivela ezulwini. Onkhe emalanga ekuseni bantfu kufanele baphume bayewutibutsela kudla lokwanele lilanga lonkhe. Ngalendlela-ke ngitawube ngiyabavivinya kutsi batawuyilandzela yini imiyalo yami nome cha.

Eksodusi 17:3

Kodvwa bantfu bomela emanti, bakhonona kuMosi batsi: “Yeyi wena! Wawusikhiphelani lena eGibhithe? Kantsi tsine nebantfwabetfu netifuyo tetfu wawusikhiphela kutsi utesibulala ngekoma la?”

Eksodusi 17:6

Ngitakuma embikwakho edvwaleni leNtsaba iHorebe. Ubolishaya lelidvwala; emanti atawuphuma kulo, bese bantfu bayanatsa.” Mosi wenta njalo embikwebaholi bema-Israyeli.

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Hagayi 2:5

‘Nguko loku lengenta ngako sivumelwane nani, mhlazane niphuma eGibhithe. Moya wami usahlala emkhatsini wenu. Ningesabi.’

Numeri 11:17

Ngitakwehla ngitewukhuluma nawe lapho, ngitsatse lokunye lokukwaMoya lokukuwe ngikunike bona. Batakusita ekwetfwaleni umtfwalo walesive kanye nawe, khona ungetikwetfwala wedvwa.

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

1 kubaseKorinthe 10:3

Bonkhe badla kudla kunye kwaMoya.

Kubase-Efesu 5:9

Ngobe lapho kunekukhanya khona ngulapho kuvela khona konkhe lokuhle, nalokulungile, nalokuliciniso.

Joshuwa 5:12

Ngalelo langa imana yancamuka kwehla, ema-Israyeli nase adle sivuno salelo live; akazange aphindze abe nemana. Kodvwa ngalowo mnyaka badla lekwakusivuno selive laseKhenani.

2 yaPhetro 1:21

Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.