Nehemiya 8:9 - Siswati 1996 Bible

⁹ Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Nehemiya 8:9 Referencias Cruzadas

2 Emakhosi 22:11

Inkhosi yatsi kube iweve lamavi alencwadzi yemtsetfo, yeklebhula tembatfo tayo.

2 Emakhosi 22:19

Njengobe inhlitiyo yakho itsintsekile, wase uyatitfoba embikwaSimakadze, nawuva loko lengikukhulumile ngalendzawo kanye nangebantfu bayo, kutsi batawucalekiswa balahlwe njengetibi, nekutsi njengobe uklebhule tingubo takho, wakhala embikwami, sengikuvile, kusho Simakadze.

2 Tikhronike 15:3

Sesikhatsi lesidze baka-Israyeli bate Nkulunkulu loliciniso, bate umphristi wekufundzisa, bate ngisho nemtsetfo.

2 Tikhronike 30:22

Hezekiya wakhuluma awakhutsata onkhe emaLevi labekhombisa kuyicondza kahle lenkonzo yaSimakadze. Onkhe lamalanga lasikhombisa babedla leso sabelo sabo banikela ngeminikelo yebudlelwane, badvumisa Simakadze Nkulunkulu waboyise.

2 Tikhronike 34:19

Inkhosi yatsi kube iweve lamavi emtsetfo, yaklebhula tembatfo tayo.

2 Tikhronike 34:21

“Hambani niyekungibutela kuSimakadze, nibutele mine kanye nensali yaka-Israyeli neyakaJuda ngaloku lokubhalwe kulencwadzi leseyitfolakele. Yinkhulu kabi intfukutselo yaSimakadze layitfululele etikwetfu ngenca yekutsi bobabe abazange baligcine livi laSimakadze; abazange bakwente konkhe loku lokubhalwe kulencwadzi.”

2 Tikhronike 35:3

Watjela emaLevi, labenguwona alawula onkhe ema-Israyeli, futsi ehlukaniselwe Simakadze, watsi: “Bekani libhokisi lelingcwele lesivumelwane ethempelini lelakhiwa nguSolomoni, umsa waDavide, inkhosi yema-Israyeli. Akusafanele letfwalwe ngemahlombe enu. Manje-ke, khontani Simakadze Nkulunkulu wenu nesive sakhe, ema-Israyeli.

Ezra 2:63

Umbusi wabayala kutsi bangadli nome kunye kwalokudla kwekunikelwa, kuze kube nemphristi wekukhonta nge-Urimu neThumimu.

Ezra 7:11

Leli lihumusho lencwadzi leyabhalwa yinkhosi Athazeksesi ayibhalela Ezra labengumphristi futsi ayingcweti kutemtsetfo, indvodza leyayifundzile itati kahle tintfo letaticondzene nemiyalo netimiso taSimakadze nga-Israyeli:

Nehemiya 10:1

Labo labasisayina lesivumelwane bekuboNehemiya, umbusi, indvodzana yaHakaliya, naSedekiya,

Nehemiya 12:26

Bona-ke babekhonta lapho ngesikhatsi saJoyakimi, umsa waJeshuwa, umsa waJosadaki, nangesikhatsi saNehemiya, umbusi, bana-Ezra, umphristi nengcweti yetemtsetfo.

Nehemiya 7:65

Ngako-ke umbusi wabayala kutsi bangadli nome kunye kwalokudla lokwakungcwele, kuze kube nemphristi wekukhonta nge-Urimu neThumimu.

Nehemiya 7:70

Labanye baholi bemindeni bafaka sandla emsebentini. Umbusi naye wanikela ngegolide leyayingemakhilogremu labengaba siphohlongo, nangetitja letatingema-50 kanye nangetingubo tebaphristi letatingema-530.

Nehemiya 8:2

Kwatsi ngelilanga lekucala enyangeni yesikhombisa Ezra, umphristi, wabeka umtsetfo embikwawo wonkhe umhlangano, lapho kwakunemadvodza nebafati khona kanye nabo bonkhe lababekhona kuwucondzisisa.

Umshumayeli 3:4

sikhatsi sekukhala nesikhatsi sekuhleka, sikhatsi sekulila nesikhatsi sekugidza,

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Levithikusi 23:24

“Shano kuma-Israyeli utsi: ‘Ngelilanga lekucala enyangeni yesikhombisa niyawuba nelilanga lekuphumula, umkhosi loyawumenyetelwa ngekukhaliswa kwemacilongo, umhlangano longcwele.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

KubaseRoma 3:20

Ngobe kute umuntfu loyakwemukeleka kuNkulunkulu kutsi ulungile ngekugcina umtsetfo. Umtsetfo wenta bantfu basati sono.

KubaseRoma 7:9

Nami matfupha ngase ngaphila ngaphandle kwemtsetfo; kodvwa kwatsi kube kufike umyalo, sono savuka indlwabane,

Dutheronomi 12:12

Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

Dutheronomi 12:7

Ngulapho-ke lapho niyawudlela khona nine nemindeni yenu, nijabule embikwaSimakadze ngako konkhe lenabeka sandla senu kuko, ngobe Simakadze Nkulunkulu wenu anibusisile.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 26:14

Kute nakunye lokusabelo lesingcwele lengikudlile ngesikhatsi ngisalila, futsi kute nakunye kwako lengikususile ngesikhatsi ngisengcolile; yebo, kute nakunye kwako lengikunikele kulabafile. Ngimlalele Simakadze Nkulunkulu wami. Ngikwente konkhe longiyale ngako kutsi ngikwente.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.