Nehemiya 8:8 - Siswati 1996 Bible

⁸ Bafundza incwadzi yemtsetfo waNkulunkulu, bawucacisa kahle. Babechazela sive inshokutsini yawo, kuze kutsi sonkhe sive sicondzisise kahle kutsi kukhulunywa ngani.

Nehemiya 8:8 Referencias Cruzadas

2 Emakhosi 23:2

Wenyuka nabo waya ethempelini laSimakadze akanye nalamadvodza akaJuda, nebantfu bonkhe baseJerusalema, nebaphristi nebaphrofethi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi encwadzi yesivumelwane, leyayitfolakele ethempelini laSimakadze.

Ezra 4:18

“Lencwadzi leningibhalele yona ifundvwe yahunyushwa lapha embikwami.

Nehemiya 8:12

Ngako bonkhe bantfu bahamba badla banatsa ngekujabula, bapha nalabanye kudla, ngobe bese bawacondzisisa kahle lawo mavi lababechazelwe wona.

Nehemiya 8:7

Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Nehemiya 9:3

Bema lapho babekhona khona, bafundza incwadzi yemtsetfo waSimakadze Nkulunkulu wabo sikhatsi lesaba yincenye yesine yelilanga, kwatsi ngalenye incenye yelilanga bavuma tono tabo, bakhonta Simakadze Nkulunkulu wabo.

Hezekeli 46:10

Umbusi naye kufanele angene, nakungena labanye bantfu, aphume nase baphuma nabo.

Habakhuki 2:2

Simakadze wase uyaphendvula, watsi: “Bhala phansi lesembulo, usibhale sicace kuletibhelekeca, kuze kutsi kufundzeke kahle.

Lukha 24:27

Jesu wase uyabachazela ngako konkhe lokwakuphatselene naye emiBhalweni, kusukela etincwadzini taMosi netebaphrofethi.

Lukha 24:32

Babutana bodvwana batsi: “Angitsi sivele satsintseka etinhlitiyweni tetfu ngesikhatsi akhuluma asichazela imiBhalo endleleni?”

Lukha 24:45

Wase uvula tingcondvo tabo, kuze bacondzisise imiBhalo.

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.