Nehemiya 8:7 - Siswati 1996 Bible

⁷ Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.

Nehemiya 8:7 Referencias Cruzadas

1 Emakhosi 8:14

Kwatsi ngesikhatsi sonkhe sive sisekhona lapho simile, inkhosi yagucukela kuso yasibusisa,

2 Tikhronike 30:22

Hezekiya wakhuluma awakhutsata onkhe emaLevi labekhombisa kuyicondza kahle lenkonzo yaSimakadze. Onkhe lamalanga lasikhombisa babedla leso sabelo sabo banikela ngeminikelo yebudlelwane, badvumisa Simakadze Nkulunkulu waboyise.

2 Tikhronike 35:3

Watjela emaLevi, labenguwona alawula onkhe ema-Israyeli, futsi ehlukaniselwe Simakadze, watsi: “Bekani libhokisi lelingcwele lesivumelwane ethempelini lelakhiwa nguSolomoni, umsa waDavide, inkhosi yema-Israyeli. Akusafanele letfwalwe ngemahlombe enu. Manje-ke, khontani Simakadze Nkulunkulu wenu nesive sakhe, ema-Israyeli.

Ezra 8:18

Njengobe sandla lesihle saSimakadze sasisetikwetfu, basiletsela Sherebiya, indvodza leyayinelikhono ekwenteni tintfo. Abengewetitukulwane taMahali, umsa waLevi, umsa wa-Israyeli, nemadvodzana aSherebiya, kanye nabomnakabo, emadvodza lali-18 asawonkhe, lenyuka nawo.

Nehemiya 10:18

naHodiya, naHashumi, naBhezayi,

Nehemiya 10:2

naSeraya, na-Azariya, naJeremiya,

Nehemiya 11:16

naShabhethayi, naJozabadi, lababengubona batinhloko temaLevi labebhekene nemsebenti wangaphandle kwendlu yaNkulunkulu;

Nehemiya 11:19

Bomahlalesangweni bekubo-Akhubi, naThalmoni kanye nebangani babo lababehlala bacize emasango, bona babeli-172.

Nehemiya 12:33

nabo-Azariya, na-Ezra, naMeshulamu,

Nehemiya 3:17

Eceleni kwakhe bekunemaLevi lavusa tindzawo letehlukene telubondza. Rehumi, umsa waBani, wavusa luhlangotsi lolulandzelako. Eceleni kwakhe Hashabiya, umbusi wencenye yesifundza saseKheyila, wavusa loko lokwakufanele kuvuswe bantfu besifundza sakakhe.

Nehemiya 3:19

Eceleni kwakhe Ezeri, umsa waJeshuwa, umbusi waseMispa, wavusa luhlangotsi lolulandzelako, kusuka macondzana nendlu yetikhali kuye ekoneni lelubondza.

Nehemiya 3:23

BoBhenjamini naHashubi bavusa luhlangotsi lolwalusembikwendlu yabo. Eceleni kwabo Azariya, umsa waMaseya, umsa wa-Ananiya, wavusa luhlangotsi lolwaluseceleni kwendlu yakhe.

Nehemiya 8:12

Ngako bonkhe bantfu bahamba badla banatsa ngekujabula, bapha nalabanye kudla, ngobe bese bawacondzisisa kahle lawo mavi lababechazelwe wona.

Nehemiya 8:4

Ezra, ingcweti yetemtsetfo, bekeme endzaweni lephakeme leyayakhiwe ngemapulango, yakhelwe wona lowo msebenti. Eceleni kwakhe ngasesandleni sekudla bekume boMathithiya, naShema, na-Anaya, na-Uriya, naHilkiya kanye naMaseya; ngasesandleni sakhe sesancele bekume boPhedaya, naMishayeli, naMalkhiya, naHashumi, naHashabadana, naZakhariya kanye naMeshulamu.

Nehemiya 8:6

Ezra wadvumisa Simakadze, Nkulunkulu lomkhulu kakhulu. Bonkhe bantfu baphakamisa tandla tabo bananatela yena batsi: “Amen! Amen!” Baguca phansi bakhotsama Simakadze babhekise buso phansi.

Nehemiya 8:8

Bafundza incwadzi yemtsetfo waNkulunkulu, bawucacisa kahle. Babechazela sive inshokutsini yawo, kuze kutsi sonkhe sive sicondzisise kahle kutsi kukhulunywa ngani.

Nehemiya 9:3

Bema lapho babekhona khona, bafundza incwadzi yemtsetfo waSimakadze Nkulunkulu wabo sikhatsi lesaba yincenye yesine yelilanga, kwatsi ngalenye incenye yelilanga bavuma tono tabo, bakhonta Simakadze Nkulunkulu wabo.

Nehemiya 9:4

Bekunendzawo leyayakhiwe ngemapulango, itsite kuphakama lapha embikwabo lapho bekunemaLevi khona: boJeshuwa, naBani, neKhadmiyeli, naShebaniya, naBuni, naSherebiya, naBani kanye naKhenani. Bona babethandaza baphakamise emaphimbo abo kuSimakadze Nkulunkulu wabo.

Levithikusi 10:11

Kufanele nifundzise sive sema-Israyeli yonkhe imitsetfo Simakadze lasinike yona ngaMosi.”

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.