Nehemiya 8:1 - Siswati 1996 Bible

¹ Ngenyanga yesikhombisa onkhe ema-Israyeli abesatintile emadolobheni awo. Bonkhe bantfu bahlangana ndzawonye baba ngumuntfu munye eJerusalema enkhundleni lesembikweliSango Lemanti. Batjela Ezra, ingcweti yetemtsetfo, kutsi akaletse incwadzi yemtsetfo waSimakadze, labewunike sive sema-Israyeli ngaMosi.

Nehemiya 8:1 Referencias Cruzadas

2 Emakhosi 23:2

Wenyuka nabo waya ethempelini laSimakadze akanye nalamadvodza akaJuda, nebantfu bonkhe baseJerusalema, nebaphristi nebaphrofethi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi encwadzi yesivumelwane, leyayitfolakele ethempelini laSimakadze.

2 Tikhronike 34:15

Hilkiya wakhuluma kuShafani, labengumabhalane, watsi: “Ngiyitfolile incwadzi yemtsetfo ekhatsi ethempelini laSimakadze.” Wase uyinika Shafani.

2 Tikhronike 34:30

Wenyuka nabo waya ethempelini laSimakadze akanye nalamadvodza akaJuda, nebantfu baseJerusalema, nebaphristi nemaLevi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi alencwadzi yesivumelwane leyayitfolakele ethempelini laSimakadze.

Ezra 7:1

Emvakwaloko, ngesikhatsi sekubusa kwa-Athazeksesi, inkhosi yasePheresiya, Ezra, umsa waSeraya, umsa wa-Azariya, umsa waHilkiya,

Ezra 7:10

Ngobe Ezra abetinikelele kuhlolisisa nekwenta lokungumtsetfo waSimakadze kanye nekufundzisa ema-Israyeli timiso nemiyalo yawo.

Ezra 7:11

Leli lihumusho lencwadzi leyabhalwa yinkhosi Athazeksesi ayibhalela Ezra labengumphristi futsi ayingcweti kutemtsetfo, indvodza leyayifundzile itati kahle tintfo letaticondzene nemiyalo netimiso taSimakadze nga-Israyeli:

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

Nehemiya 12:26

Bona-ke babekhonta lapho ngesikhatsi saJoyakimi, umsa waJeshuwa, umsa waJosadaki, nangesikhatsi saNehemiya, umbusi, bana-Ezra, umphristi nengcweti yetemtsetfo.

Nehemiya 12:37

ESangweni Lemtfombo bachubeka bakhuphuka ngetitebhisi telubondza lweLidolobha laDavide letenyuka kulo, bendlule ngetulu kwendlu yaDavide baze bayewufika eSangweni Lemanti ngasemphumalanga.

Nehemiya 3:26

kwatsi tisebenti telithempeli letatihlala egcumeni i-Ofeli tona tavusa luhlangotsi lolulandzelako, kuze kuyewufika macondzana neliSango Lemanti kuya ngasemphumalanga kulombhoshongo lowawengeme sigodlo.

Nehemiya 8:16

Ngako bantfu baphuma bahamba bayawugawula emagala, babuya nawo batawutakhela emadlangala etikwetindlu tabo, nasemabaleni abo, nasetibuyeni tendlu yaNkulunkulu, nasetinkhundleni letatingaseSangweni Lemanti kanye nangaseSangweni laka-Efrayimu.

Nehemiya 8:3

Wabafundzela wona kusukela ekuseni kuseluvivi, kwaze kwaba ngusemini, abeme abheke kulenkhundla lesembikweliSango Lemanti, lapho kwakubutsene khona emadvodza nebafati kanye nabo bonkhe lababenekuwucondza. Bonkhe bantfu balalelisisa nakufundvwa lencwadzi yemtsetfo.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Levithikusi 9:5

Konkhe loko latsi Mosi akuletfwe, bakuletsa ekungeneni kwelithende lekuhlangana, sonkhe sive sasondzela sema embikwaSimakadze.

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 23:2

watsi: “Tati temtsetfo nebaFarisi bahleti esihlalweni saMosi bafundzisa umtsetfo.

Matewu 23:34

Ngako nginitjela kutsi: Ngiyawunitfumelela baphrofethi, netati, nebafundzisi. Labanye babo niyawubabulala, nibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha;

Dutheronomi 31:11

ngesikhatsi onkhe ema-Israyeli atewutibonakalisa kuSimakadze Nkulunkulu wenu endzaweni latayikhetsa, lomtsetfo niyakuwufundza embikwawo eva.

Tikhulu 20:1

Ngako sonkhe sive sema-Israyeli kusukela kaDani kuze kuyewufika eBherisheba, nekusukela kulakaGileyadi babophana baba ngumuntfu munye, bashulungana bayawubutsana eMispa embikwaSimakadze.

Tikhulu 20:8

Sonkhe sive sasukuma sema ngetinyawo saba ngumuntfu munye, satincumela satsi: “Kute namunye wetfu lotawuncandzeka abuyele ethendeni lakhe. Cha, kute nome munye wakitsi lotawuncandzeka abuyele ekhaya lakhe.