Nehemiya 7:70 - Siswati 1996 Bible

⁷⁰ Labanye baholi bemindeni bafaka sandla emsebentini. Umbusi naye wanikela ngegolide leyayingemakhilogremu labengaba siphohlongo, nangetitja letatingema-50 kanye nangetingubo tebaphristi letatingema-530.

Nehemiya 7:70 Referencias Cruzadas

1 Emakhosi 7:45

nemabhodo, nemafosholo, netitja tekunyenyeta. Tonkhe-ke letintfo letentiwa nguHuramu, atakhela inkhosi Solomoni entela lithempeli laSimakadze, tatakhiwe ngelitfusi lelicwebetelako.

1 Tikhronike 28:17

nesisindvo segolide lecengekile yekwakha timfologo, netitja tekunyenyeta kanye netindzebe, sisindvo segolide saleyo naleyo ndishi yegolide, nesisindvo sesiliva saleyo naleyo ndishi yesiliva,

2 Tikhronike 4:11

Wachubeka wakha nemabhodo, nemafosholo, netitja tekunyenyeta. Wawucedzela kanjalo-ke Huramu umsebenti labewusukele awentela inkhosi Solomoni ethempelini laNkulunkulu:

2 Tikhronike 4:8

Wase wakha ematafula lalishumi, wawafaka ethempelini, lasihlanu ngasenyakatfo nalasihlanu ngaseningizimu. Waphinidze wenta netitja tegolide tekunyenyeta letatilikhulu.

Nehemiya 10:1

Labo labasisayina lesivumelwane bekuboNehemiya, umbusi, indvodzana yaHakaliya, naSedekiya,

Nehemiya 7:65

Ngako-ke umbusi wabayala kutsi bangadli nome kunye kwalokudla lokwakungcwele, kuze kube nemphristi wekukhonta nge-Urimu neThumimu.

Nehemiya 7:69

nemakamela langema-435, kanye netimbongolo letiti-6 720.

Nehemiya 7:71

Labanye baholi bemindeni banikela ngegolide leyayingemakhilogremu labengaba li-168, nangesiliva leyayingemakhilogremu labengaba yi-1 250.

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Eksodusi 12:22

utsatse sitfungo sehisophu usenye engatini lesemgezelweni bese uyibhoca etinsikeni temnyango emaceleni nasetulu kwawo kuleyondlu lapho uhleti khona. Kufanele kungabikho muntfu lophumako kuleyondlu kuze kube ngusekuseni.

Eksodusi 24:6

Mosi watsatsa incenye yalengati wayifaka emigezelweni, lenye yayo wayinyenyeta etikwelilati.

Jeremiya 52:19

Indvuna yabomahlalesangweni yatsatsa imigezelo, netitja tekushisela imphepho, netitja tekunyenyeta, nemabhodo, netintsi tetibane, netingwembe, netitja teminikelo yetinatfo, nako konkhe lokwakwentiwe ngegolide lecengekile nome ngesiliva lecengekile.