Nehemiya 6:16 - Siswati 1996 Bible

¹⁶ Tatsi kube tonkhe titsa tetfu tive ngaloko, tonkhe tive letibomakhelwane takubona, letitsa tetfu tesaba tase tiyajabha, ngobe tabona kutsi lomsebenti siwente ngekusitwa nguNkulunkulu wetfu.

Nehemiya 6:16 Referencias Cruzadas

Nehemiya 2:10

Kwatsi kube boSanbalati, umHoroni, naThobiya, indvuna yaka-Amoni, beve kutsi kukhona umuntfu lotewusebenta asite ema-Israyeli, bakhatsateka kakhulu etinhlitiyweni.

Nehemiya 4:1

Watsi kube eve Sanbalati kutsi tsine maJuda siyaluvusa lolubondza, watfukutsela wagaya tiboti. Wawahhalatisa emaJuda,

Nehemiya 4:7

Kodvwa kwatsi boSanbalati, naThobiya, nema-Arabu, nema-Amoni kanye nemadvodza ase-Ashdodi kube beve kutsi lubondza lwaseJerusalema luvuswa kabusha nekutsi lomsebenti uchubeka ngemandla, sekuze kwavalwa ngisho netikhala, batfukutsela batselwa ngemanti.

Nehemiya 6:17

Kuwo lawo malanga baholi bemaJuda babesolomane babhalelana naThobiya bamsekela naye abaphendvule.

Tihlabelelo 109:27

Shangatsi bangati kutsi sandla sakho, Simakadze, lesente loku.

Tihlabelelo 126:2

Sahleka safa, sahlabela tingoma tenjabulo. Tive letibomakhelwane tatsi: “Nkulunkulu ubentele tintfo letinkhulu.”

Tihlabelelo 129:5

Shangatsi bonkhe labatondza Siyoni, bangancandvwa bahlazekile.

Tihlabelelo 147:2

Simakadze wakha iJerusalema kabusha, ubutsa labasakatekile baka-Israyeli.

Eksodusi 14:25

Wenta kutsi emasondvo etincola temphi abhajwe adzimate ahamba matima. EmaGibhithe atsi: “Asibaleke sisuke la kuma-Israyeli, ngobe Simakadze uyawalwela.”

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Numeri 23:23

Kute longaloya Jakobe, kute longaphengula Israyeli; kuyawukhulunywa ngaJakobe nanga-Israyeli kutsiwe: ‘Bukani lokwentiwe nguNkulunkulu!’

Imisebenti yebaPhostoli 5:38

Manje-ke kulendzaba, ase nginitjele naku: Ningacali nitsatse sinyatselo sekumelana nalabantfu. Bayekeleni bahambe, ngobe nangabe loluhlelo nalomsebenti wabo kuyintfo leyentiwa ngumuntfu, kutawuphela;

Joshuwa 2:11

Satsi kube sikuve loko, tinhlitiyo tetfu tashona phansi, kwabate namunye lowasala anesibindzi emkhatsini wetfu ngenca yenu, ngobe Simakadze Nkulunkulu wenu nguye longuNkulunkulu ezulwini etulu, nasemhlabeni phansi.

Joshuwa 2:9

wafike wakhuluma kuto, watsi: “Ngiyati kutsi Simakadze uniphe lelive. Sonkhe sehlelwe kwesaba lokukhulu ngani, kantsi futsi tonkhe tive letakhile kulelive setingenwe ngemanti emadvolweni, ngenca yekwesaba nine.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.