Nehemiya 6:11 - Siswati 1996 Bible

¹¹ Kodvwa ngamphendvula ngatsi: “Indvodza lenjengami ingabaleka yini iyewubhaca? Empeleni umuntfu lofanana nami angabaleka yini, abalekele kufa ayewubhaca ethempelini? Ngingeke ngiye!”

Nehemiya 6:11 Referencias Cruzadas

Nehemiya 6:12

Ngavele ngabona kutsi abengakatfunywa nguNkulunkulu, kodvwa abephrofetha emelene nami, ngobe abesatsengwe boThobiya naSanbalati.

Nehemiya 6:3

Ngako ngatfumela titfunywa kubo nemphendvulo leyayitsi: “Ngibhekene nemsebenti lomkhulu lapha, ngingeke ngikhone kwehla. Lomsebenti utawuyekelelwani, ngesikhatsi ngehla ngita lapho kini?”

Nehemiya 6:9

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Tihlabelelo 112:6

Lolungile angeke anyakatiswe; uyawuhlala akhunjulwa phakadze naphakadze.

Tihlabelelo 112:8

Unesibindzi, angeke esabe, aze abone kujabhiswa kwetitsa takhe.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Isaya 10:18

Uyawucedza buhle bemahlatsi akhe, nemasimi akhe lavundzile, kuphele umtimba nemphefumulo, kube njengekuphela kwemuntfu logulako.

Numeri 3:10

Uyawubeka Aroni nemadvodzana akhe kutsi bente imisebenti yebuphristi. Wonkhe umuntfu, ngaphandle kwabo, loyawusondzela eceleni kwalendzawo lengcwele uyawubulawa.”

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”

Imisebenti yebaPhostoli 8:1

Sawula abevumelene nabo kutsi abulawe loStefano. Ngalo lelo langa libandla laseJerusalema lacala lahlupheka ngekutingelwa kabuhlungu. Onkhe emakholwa, ngaphandle kwebaphostoli, asakateka netigodzi tonkhe taseJudiya naseSamariya.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseFiliphi 2:30

Ngobe ngenca yemsebenti waKhristu wacishe wafa, watidzela, kuze agcwalise lokusilele ekungikhonteni kwenu.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.

1 Samuweli 19:5

Watsatsa kuphila kwakhe wakuphatsa ngesandla sakhe, nakabulala lomFilisti. Simakadze waba nekuncoba lokukhulu ancobela sive sema-Israyeli, nawe futsi wakubona loko wajabula. Pho, ufunelani kubulala Davide ngaphandle kwesono?”