Nehemiya 5:4 - Siswati 1996 Bible

⁴ Noko labanye bakhonona batsi: “Sidzimate seboleka nemali, kuze sitewukhokha umtselo enkhosini, sitselele emasimi etfu netivini tetfu.

Nehemiya 5:4 Referencias Cruzadas

1 Emakhosi 9:21

lokusho kutsi titukulwane tato letatisasele kulo lonkhe live, lapho ema-Israyeli ehluleka khona kutibhubhisa aticedze, tonkhe-ke leto tive Solomoni watibutsekisa watisebentisa ngekutigcilata, njengobe kusenjalo nalamhla loku.

Ezra 4:13

“Ngetulu kwaloko inkhosi kufanele yati kutsi nangabe lakhiwa lelidolobha nelubondza lwalo luvusetelwa, kute imitselo, netetfulo, nentsela letawuphindze ikhishwe, netimali tasebukhosini titawuphela.

Ezra 4:20

IJerusalema beyinemakhosi lanemandla kakhulu, abusa lonkhe leli lelingaseNshonalanga Yufrathe, imitselo, netetfulo kanye nentsela bekukhishwa kuwo.

Ezra 7:24

Kufanele nati futsi kutsi aninawo emandla ekutsatsa imitselo netetfulo kunome ngubani webaphristi, nemaLevi, nebahlabeli, nabomahlalesangweni, netisebenti tasethempelini nome ngangubani losebentako endlini yaNkulunkulu.

Nehemiya 5:3

Labanye babekhuluma batsi: “Senta sibambiso ngemasimi etfu, nangetivini tetfu, nangetindlu tetfu, khona sitewutfola kudla ngesikhatsi sendlala.”

Nehemiya 9:37

Ngenca yetono tetfu, sivuno salo lesinyenti sesiya emakhosini lose usibekele wona. Lamakhosi abusa etikwetfu kanye nasetikwetinkhomo tetfu njengobe atsandza. Tsine siselusizini lolukhulu.”

Taga 22:7

Injinga iba yinkhosi yeluphuya, nemboleki uba sigcili sembolekisi.

Joshuwa 16:10

Atizange tikhone kuwacosha emaKhenani labehlala eGezeri; nalamuhla loku emaKhenani seloku ahlala ndzawonye nesive saka-Efrayimu, kodvwa asetjentiswa kamatima.