Nehemiya 5:15 - Siswati 1996 Bible

¹⁵ Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Nehemiya 5:15 Referencias Cruzadas

Genesisi 20:11

Abrahama wamphendvula watsi: “Ngikwente ngobe ngicabange ngatsi: ‘Akukho kwesaba Nkulunkulu kulendzawo, ngako batangibulala ngenca yalomfati wami.’

Genesisi 42:18

Ngelilanga lesitsatfu Josefa wakhuluma nabo watsi: “Mine ngingumuntfu lowesaba Nkulunkulu, yentani naku kuze nitewuphila.

Nehemiya 5:16

Esikhundleni saloko, ngatinikela mine emsebentini wekuvusa lubondza. Onkhe emadvodza akami abehlangana lapho kutakwenta umsebenti; tsine asizange sifunane nekutfola tindzawo.

Nehemiya 5:9

Ngachubeka, ngatsi: “Loku lenikwentako kubi! Kufanele nesabe Nkulunkulu wetfu, khona ningetikunika betive labatitsa tetfu litfuba lekusihhalatisa.

Jobe 31:23

Ngobe mine ngangiyesaba kakhulu imbhubhiso levela kuNkulunkulu. Nangenca yekwesaba bukhosi bakhe nje, ngangingeke ngiyente intfo lenje.

Tihlabelelo 112:1

Haleluya, dvumisani Simakadze! Ubusisiwe umuntfu lowesaba Simakadze, lotijabulisa ngekugcina imiyalo yakhe.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Taga 16:6

Ngekutinikela nekwetsembeka umuntfu uyawutfola kutsetselelwa, ngekwesaba Simakadze umuntfu uyawubalekela lokubi.

Taga 29:12

Nangabe umbusi anaka labakhuluma emanga, tonkhe tindvuna takhe tiba nemanga.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Jeremiya 32:9

ngako ngayitsenga lensimi e-Anathothi kulomzala wami, Hanameli, ngase ngimkalela isiliva lengemagremu langema-200, ngamnika.

Sililo 5:8

Tigcili tibusa etikwetfu, kute namunye longasikhulula etandleni tato.

Matewu 5:47

Futsi nanibingelela bazalwane benu bodvwa, nenta buncono buni-ke? Abenti njalo yini nebetive?

2 kubaseKorinthe 11:9

Ngisenani, angizange ngibe ngumtfwalo kunome ngubani, nangeswele. Tonkhe tidzingo tami tacedvwa bazalwane labebaphuma eMasedoniya. Ngako-ke angizange ngibe ngumtfwalo, futsi sonkhe sikhatsi ngiyawuchubeka ngingesiwo.

2 kubaseKorinthe 12:13

Empeleni nine nentiwa yini kutsi nibe nenhlanhla lembi kunalamanye emabandla ngaphandle kwekutsi nine angizange nginetfwese umtfwalo? Ngitsetseleleni kulesiphosiso!

1 Samuweli 8:15

Itawutsatsa kwelishumi kwesivuno senu, nekwetivini tenu, ikunike tiphatsimandla kanye netinceku tayo.