Nehemiya 5:1 - Siswati 1996 Bible

¹ Kwabe sekuvuka sikhalo lesikhulu emadvodzeni nakubomkawo, bakhala kubomnakabo labangemaJuda.

Nehemiya 5:1 Referencias Cruzadas

Nehemiya 4:23

Ngako mine nesive sakitsi, netisebenti takami, nemadvodza labegadzile sasingasakukhumuli kwekwembatsa. Ngulowo nalowo abehlala ahlome ngesikhali sakhe ngisho nome ayawunatsa emanti.

Jobe 34:28

Babangela kutsi lokukhala kwalabamphofu kufike etindlebeni takhe, wadzimate wakuva kukhala kwalabeswele.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Jeremiya 34:8

Livi laSimakadze lefika kuJeremiya emvakwekutsi inkhosi Sedekiya seyente sivumelwane nabo bonkhe bantfu baseJerusalema kutewumemetela inkhululeko yetigcili.

Hezekeli 45:9

“ ‘Naku lokushiwo yiNkhosi Simakadze, itsi: Senone kakhulu, nine babusi baka-Israyeli. Khawulani lobudlova benu bekucindzetela bantfu. Yentani lokulungile nalokwemukelekako kuNkulunkulu kutsi kulungile. Ningaphindzi nicoshe bantfu bami eveni labo, kusho iNkhosi Simakadze.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

Imisebenti yebaPhostoli 7:26

Ngakusasa wabona ema-Israyeli lamabili alwa, wetama kuwalamula. Watsi kubo: ‘Madvodza, lalelani la, nine nibandzawonye, nibangani?’

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.