Nehemiya 4:7 - Siswati 1996 Bible

⁷ Kodvwa kwatsi boSanbalati, naThobiya, nema-Arabu, nema-Amoni kanye nemadvodza ase-Ashdodi kube beve kutsi lubondza lwaseJerusalema luvuswa kabusha nekutsi lomsebenti uchubeka ngemandla, sekuze kwavalwa ngisho netikhala, batfukutsela batselwa ngemanti.

Nehemiya 4:7 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

2 Emakhosi 24:2

Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

2 Tikhronike 20:1

Kwatsi emvakwesikhatsi emaMowabi nema-Amoni kanye nebangani bawo emaMehuni, bahloma bayawuhlasela Jehoshafati.

Ezra 5:8

“Inkhosi kufanele yati kutsi sihambile saya esifundzeni sakaJuda, ethempelini laNkulunkulu lomkhulu. Bantfu balakha ngematje lamakhulu, bafaka netingodvo kulolubondza lwalo. Lomsebenti wentiwa ngenkhutsalo, kantsi futsi uchubeka kahle kakhulu.

Nehemiya 2:10

Kwatsi kube boSanbalati, umHoroni, naThobiya, indvuna yaka-Amoni, beve kutsi kukhona umuntfu lotewusebenta asite ema-Israyeli, bakhatsateka kakhulu etinhlitiyweni.

Nehemiya 2:19

Kwatsi kube boSanbalati, umHoroni, naThobiya, indvuna yaka-Amoni, kanye naGeshemu, um-Arabu, bakuve loko, basiphukuta basihhalatisa, batsi: “Yini-ke lena lesenicale kuyenta? Senivukela inkhosi yini?”

Nehemiya 4:1

Watsi kube eve Sanbalati kutsi tsine maJuda siyaluvusa lolubondza, watfukutsela wagaya tiboti. Wawahhalatisa emaJuda,

Nehemiya 4:6

Ngako sachubeka salwakha kabusha lolubondza, lwaze lwaphakama lwabasekhatsi nendzawo yebudze balo nase luphelele, ngobe bantfu babenenhlitiyo yekusebenta.

Nehemiya 4:8

Ngako bahlangana bonkhe ndzawonye, bakha luzungu lwekutsi bete batekulwa neJerusalema basuse lutfutfuva kuyo.

Nehemiya 6:16

Tatsi kube tonkhe titsa tetfu tive ngaloko, tonkhe tive letibomakhelwane takubona, letitsa tetfu tesaba tase tiyajabha, ngobe tabona kutsi lomsebenti siwente ngekusitwa nguNkulunkulu wetfu.

Jeremiya 25:20

nabo bonkhe bantfu betive labalapho; onkhe emakhosi ase-Usi; onkhe emakhosi emaFilisti e-Ashkeloni, nase-Gaza, nase-Ekroni, nebantfu labasele e-Ashdodi;

Jeremiya 41:10

Ishmayeli wabe sewutfumba bonkhe labantfu lababeseMispa, emakhosatana kanye nabo bonkhe labanye lababesele lapho, Nebuzaradani, indvuna yabomahlalesangweni labebeke Gedaliya, umsa wa-Ahikamu, kutsi abe ngumbusi wabo. Ishmayeli, umsa waNethaniya, wabatfumba, washuca nabo wacondza ngesheya eveni laka-Amoni.

Amose 1:13

Naku lokushiwo nguSimakadze, utsi: “Bantfu baka-Amoni bone kwaze kwengca, ngaleso sizatfu ngingeke ngihlale ngingabajezisi. Ema-Amoni abahlinze beva bafati labatetfwele bakaGileyadi, kuze atekwandzisa iminyele yawo.

Amose 1:8

Ngitayibhubhisa inkhosi yase-Ashdodi nalowo lophetse indvuku yebukhosi e-Ashkeloni. Ngitayivukela i-Ekroni, ngiwabhubhise onkhe emaFilisti kungasali namunye,” kusho iNkhosi Simakadze.

Amose 3:9

Memetelani etigodlweni tase-Ashdodi nasetigodlweni taseGibhithe, nitsi: “Butsanani ndzawonye etintsabeni taseSamariya; bonani umsindvo lomkhulu losemkhatsini wayo kanye nekucindzetelwa lokukuyo.”

Imisebenti yebaPhostoli 5:33

Batsi nabakuva loko, batfukutsela kakhulu, bancuma kutsi babulawe.

Sembulo 12:17

Nyokangwenya wamtfukutselela kakhulu lomfati, wahamba wayawulwa nensali yentalo yakhe, labo labagcina imiyalo yaNkulunkulu nalabanebufakazi baJesu.

1 Samuweli 11:2

Kodvwa Nahashi, um-Amoni, watsi: “Ngitasenta sivumelwane nani kuphela naningangivumela kutsi ngikupulute liso langasekudla kini nonkhe, kuze ngitsele lihlazo kuso sonkhe sive sema-Israyeli.”