Nehemiya 4:17 - Siswati 1996 Bible

¹⁷ lesasakha lolubondza. Labo lababetfwala tintfo tekwakha babesebenta ngasinye sandla, bese kutsi ngalesi lesinye babambe tikhali tekulwa.

Nehemiya 4:17 Referencias Cruzadas

Nehemiya 4:13

Ngako ngemisa labanye bantfu bahlome ngetinkemba, nangetikhali, nangemicibisholo; ngabahlela ngekwemindeni yabo eceleni kwelubondza lusendvo ngelusendvo, konkhe lapho lubondza lwaluselufisha ngakhona.

Nehemiya 4:16

Kusukela ngalelo langa incenye yalamadvodza akami yayakha, bese kutsi lena lenye incenye ihlome ngetikhali, nangemahawu, nangebutjoki kanye nangetembatfo temphi. Baholi batihlela bona ngemuva kwaso sonkhe sive sakaJuda,

Nehemiya 4:18

Ngulowo nalowo kulabakhi abesebenta abophele inkemba yakhe engculwini. Kodvwa lendvodza leyayishaya impalampala yayihlala edvute nami.

Tihlabelelo 149:6

Shangatsi emaphimbo abo angadvumisa Nkulunkulu, netandla tabo tihlome inkemba lekhalipha tinhlangotsi totimbili.

Ingoma Yetingoma 3:8

onkhe ahlome ngetinkemba, onkhe bokadzebona etimphini, nguleyo ifake inkemba yayo engculwini, ilungele kulwa nalokwesabisanako kwasebusuku.

Danyela 9:25

“Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Joweli 2:8

Asivimbelani sodvwana endleleni, leso naleso sihamba sicondze embili. Sitseleka sifolokohlele emkhatsini wemabutfo ngaphandle kwekutsi sehlukane ekhatsi.

1 kubaseKorinthe 16:13

Lindzani nisime ekukholweni, nibe ngemadvodza, nicine.

1 kubaseKorinthe 16:9

Ngobe litfuba lekusebenta lingivulekele, noko banyenti labemelene nami.

1 kubaseKorinthe 9:12

Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

2 kubaseKorinthe 6:7

nangelivi leliciniso, nangemandla aNkulunkulu. Kuko konkhe loku tikhali tetfu tikulunga lesikuphetse ngesandla sangesekudla nangesandla sangesancele.

KubaseFiliphi 1:28

Ningetfuswa lutfo ngalabo labamelene nani, lokusiciniseko sekubhubha kubo, kepha sekusindziswa kwenu. Loku-ke kuvela kuNkulunkulu.

2 kuThimothi 2:3

Hlanganyela kanye nami ekuhluphekeni njengelisotja lelilungile laKhristu Jesu.

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.