Nehemiya 4:14 - Siswati 1996 Bible

¹⁴ Ngatsi nangibuka, ngabona kutsi bantfu bakhatsatekile, ngako ngakhuluma kubo, nakubaholi babo netindvuna tabo, ngatsi: “Ningatesabi letitsa tenu. Khumbulani kutsi Simakadze mkhulu kangakanani nekutsi futsi wesabeka kangakanani. Nine nje kufanele nilwe nivikele bantfu besive sakini, nebantfwabenu, nebafati benu kanye nemakhaya enu.”

Nehemiya 4:14 Referencias Cruzadas

2 Samuweli 10:12

Cina, ube nesibindzi! Asilwe ngesibindzi silwele sive sakitsi nemadolobha aNkulunkulu wetfu. Simakadze utakwenta loko lokuhle emehlweni akhe.”

2 Tikhronike 32:7

“Cinani, nime sibindzi, ningesabi, futsi ningapheli emandla ngenca yalenkhosi yase-Asiriya nalolucucaba lwemphi yayo leta nayo, ngobe kitsi kunemandla lamakhulu kunalawa lenawo yona.

Nehemiya 1:5

ngase ngitsi: “Awu, Simakadze, Nkulunkulu welizulu, wena unguNkulunkulu lomkhulu nalowesabekako, logcina sivumelwane sakhe selutsandvo kulabo labamtsandzako nalabagcina imiyalo yakhe.

Jobe 37:22

Uchamuka enyakatfo ngebukhatikhati bakhe begolide, Nkulunkulu uta ngebuNkulunkulu bakhe lobesabekako.

Tihlabelelo 143:5

Ngikhumbula emalanga asendvulo. Ngizindla ngemisebenti yakho yonkhe, ngicabange ngato tonkhe tento takho.

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 66:5

Wotani nitewubona lokwentiwe nguNkulunkulu, wente lokwesabekako emkhatsini webantfu.

Eksodusi 14:14

Simakadze utanilwela; nine thulani nje.”

Eksodusi 14:25

Wenta kutsi emasondvo etincola temphi abhajwe adzimate ahamba matima. EmaGibhithe atsi: “Asibaleke sisuke la kuma-Israyeli, ngobe Simakadze uyawalwela.”

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Danyela 11:32

Ngekuyenga nangemavi ekuwunga inkhosi iyakonakalisa labo labephule sivumelwane, kodvwa noko bantfu labamati kahle Nkulunkulu wabo bayawumelana nayo bacinile.

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Dutheronomi 1:21

Libukeni-ke lelive leniliphiwe nguSimakadze Nkulunkulu wenu. Khuphukelani kulo niyekulidla lelo live, njengobe natjelwa nguSimakadze Nkulunkulu waboyihlomkhulu. Ningesabi, ningalahlekelwa nalitsemba.’

Dutheronomi 10:17

Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.