Nehemiya 3:8 - Siswati 1996 Bible

⁸ Luhlangotsi lolulandzelako lwavuswa ngu-Uziyeli, umsa waHahaya, lomunye wabochwephesha kutekubumba ngegolide. Lolulandzelako lwavuswa nguHananiya, labengulomunye webathaki betemakha, bayivusa iJerusalema kwaze kwefika eLubondzeni Lolubanti.

Nehemiya 3:8 Referencias Cruzadas

Genesisi 50:2

Josefa wayala tisebenti takakhe nabochwephesha bekomisa tidvumbu kutsi batsatse sidvumbu seyise bayesomisa ngemitsi kuze singaboli; ngempela sidvumbu sa-Israyeli somiswa ngemitsi.

Nehemiya 12:38

Lena lenye ikwaya yebahlabeli yayichubeka ngale, yacondza ngesancele iphambana nalena lenye lecondze ngasekudla. Ngabalandzela ngisetulu elubondzeni nginencenye yalabanye bantfu, sendlula uMbhoshongo Wemahhavu saya eLubondzeni Lolubanti,

Eksodusi 30:25

bese wakha ngato emafutsa langcwele emgcobo, lahlanganiswe aba ngemakha, uwente njengengcweti yalomsebenti.

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.