Nehemiya 3:3 - Siswati 1996 Bible

³ Emadvodzana aHasena wona avusa liSango Lenhlanti, ashayela emakabha, ase afaka netivalo talo, kanye nemavelevele alo nemishudvo yalo endzaweni yayo.

Nehemiya 3:3 Referencias Cruzadas

2 Tikhronike 33:14

Emvakwaloko Manase wakha kabusha lubondza lwangaphandle kweliDolobha laDavide, ngasenshonalanga nesiyalu saseGihoni esigodzini, kuze kuyewuma ekungeneni kweLisango Lenhlanti, lutungeleta intsaba i-Ofeli, walwenta lwaphakama kakhulu. Wemisa tindvuna temabutfo emphi kuwo onkhe emadolobha latinqaba akaJuda.

Ezra 2:35

nemadvodza aseSena abeti-3 630.

Nehemiya 12:39

nasetikweLisango laka-Efrayimu, sendlulela nakulakaJeshana, nakuLetinhlanti, neMbhoshongo waHananeli, neweLikhulu kuze kuyewufika eSangweni Letimvu. Befika bema eSangweni Labomahlalesangweni.

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Nehemiya 3:4

Meremothi, umsa wa-Uriya, umsa waHakhosi, yena wavusa luhlangotsi lolwaluseceleni kwawo. Eceleni kwakhe lubondza lwavuswa nguMeshulamu, umsa waBherekhiya, umsa waMeshezabeli. Eceleni kwakhe lubondza lwavuswa nguSadoki, umsa waBhana.

Nehemiya 3:6

Joyada, umsa waPhaseya, banaMeshulamu, umsa waBesodeya, bona babevusetela liSango Lelidzala, bashayela emakabha alo, base bemisa tivalo talo kanye nemavelevele alo nemishudvo endzaweni yayo.

Nehemiya 6:1

Kwase kufika livi kuboSanbalati, naThobiya, naGeshemu, um-Arabu, kanye nakuletinye titsa tetfu setivile kutsi ngase ngilwakhile lubondza kwavaleka yonkhe indzawo, noko ngangisengakatifaki tivalo emasangweni alo,

Nehemiya 7:1

Lwatsi kube lubondza lwakhiwe luphele, netivalo sengitifakile etindzaweni tato, kwabe sekubekwa bomahlalesangweni, nebahlabeli kanye nemaLevi.

Nehemiya 7:38

emadvodza aseSena abeti-3 930.

Tihlabelelo 147:13

Ngobe nguye locinisa imivalo yemasango akho, abusise bantfu bakho,

Zefaniya 1:10

Simakadze utsi: “Ngalelo langa kuyawuvela kukhala eSangweni Lenhlanti, kuvele kulila eNcenyeni Lensha yelidolobha, nekuphihlika lokukhulu lokuphuma emagcumeni.