Nehemiya 3:25 - Siswati 1996 Bible

²⁵ Phalali, umsa wa-Uzayi, yena wasebenta macondzana nelijika kanye nembhoshongo lowawengeme sigodlo lesingenhla edvute nesibuya sabomahlalesangweni. Eceleni kwakhe kwaba nguPhedaya, umsa waPharoshi,

Nehemiya 3:25 Referencias Cruzadas

Ezra 2:3

titukulwane takaPharoshi tatiti-2 172,

Nehemiya 12:39

nasetikweLisango laka-Efrayimu, sendlulela nakulakaJeshana, nakuLetinhlanti, neMbhoshongo waHananeli, neweLikhulu kuze kuyewufika eSangweni Letimvu. Befika bema eSangweni Labomahlalesangweni.

Nehemiya 7:8

Titukulwane takaPharoshi tatiti-2 172,

Nehemiya 8:4

Ezra, ingcweti yetemtsetfo, bekeme endzaweni lephakeme leyayakhiwe ngemapulango, yakhelwe wona lowo msebenti. Eceleni kwakhe ngasesandleni sekudla bekume boMathithiya, naShema, na-Anaya, na-Uriya, naHilkiya kanye naMaseya; ngasesandleni sakhe sesancele bekume boPhedaya, naMishayeli, naMalkhiya, naHashumi, naHashabadana, naZakhariya kanye naMeshulamu.

Jeremiya 22:14

Nako kulowo lokhuluma atsi: ‘Ngitatakhela sigodlo lesikhulu lesitawuba nemakamelo lamakhulu lasetulu.’ Ngako utentela emafasitelo lamakhulu kuso asembese ngemsedari, asihlobise nangalokubovu.

Jeremiya 32:2

Imphi yenkhosi yaseBhabhulona yase ivimbetele iJerusalema, Jeremiya umphrofethi abevalelwe esibuyeni sabogadzi, esigodlweni senkhosi yakaJuda.

Jeremiya 33:1

Kwatsi ngesikhatsi Jeremiya asevalelwe esibuyeni sabogadzi, livi laSimakadze laphindze lefika kuye kwesibili, latsi:

Jeremiya 37:21

Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

Jeremiya 38:13

base bamdvonsa ngaletindophi bamkhiphela ngephandle kwalomgodzi. Jeremiya wahlala esibuyeni sabogadzi.

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.