Nehemiya 3:15 - Siswati 1996 Bible

¹⁵ LiSango Lemtfombo lavuswa nguShalumi, umsa waKholi Hoze, umbusi wesifundza saseMispa, walivusa walifulela, wafaka tivalo talo kanye nemavelevele alo nemishudvo yalo endzaweni yayo. Waphindze wavusa lubondza ngaseChibini laseSilowama ngasengadzeni yenkhosi, kuze kuyewufika ngasetitebhisini letewuka tisuka eDolobheni laDavide.

Nehemiya 3:15 Referencias Cruzadas

2 Samuweli 5:9

Davide watsi kube ayitfumbe lenqaba, wabe sewuhlala kuyo, wayetsa libito watsi Lidolobha laDavide. Wakha lidolobha ndzawo tonkhe kuyitungeleta, kusukela kulendzawo leyayigcwalisiwe ngasemphumalanga neligcuma.

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

2 Tikhronike 32:30

NguHezekiya lona lowavimba siyalu lesingenhla saseGihoni, wadvonsa lamanti wawacondzisa entasi ngasenshonalanga neliDolobha laDavide. Hezekiya abephumelela kuko konkhe labekusukela akwente.

Nehemiya 12:37

ESangweni Lemtfombo bachubeka bakhuphuka ngetitebhisi telubondza lweLidolobha laDavide letenyuka kulo, bendlule ngetulu kwendlu yaDavide baze bayewufika eSangweni Lemanti ngasemphumalanga.

Nehemiya 2:14

Ngangisuka lapho ngicondze ngaseSangweni Lemtfombo nangaseChibini Lenkhosi, noko lembongolo lengangiyigibele yehluleka kutfola indlela ngenca yemfuhlumfuhlu leyayivimbe indlela,

Nehemiya 2:17

Ngakhuluma kubo ngatsi: “Kambe niyayibona yini lenhlupheko lesikuyo ngekutsi iJerusalema ibhidlitwe nemasango ayo ashiswe ngemlilo? Wotani sitekwakha kabusha lubondza lweJerusalema kuze singabi nelihlazo.”

Nehemiya 3:12

Lolulandzelako lwavuswa nguShalumi, umsa waHaloheshi, labengumbusi wencenye yesifundza saseJerusalema; yena abesitwa ngemadvodzakati akhe.

Nehemiya 3:14

LiSango Lebulongo lona lavuswa nguMalkhiya, umsa waRekhabi, umbusi wesifundza saseBhethi Hakheremu. Walivusa, walifaka netivalo talo kanye nemavelevele alo nemishudvo yalo endzaweni yayo.

Nehemiya 3:19

Eceleni kwakhe Ezeri, umsa waJeshuwa, umbusi waseMispa, wavusa luhlangotsi lolulandzelako, kusuka macondzana nendlu yetikhali kuye ekoneni lelubondza.

Nehemiya 3:7

Luhlangotsi lolulandzelako lwavuswa ngemadvodza aseGibeyoni newaseMispa, bekuboMelatiya, waseGibeyoni, naJadoni, waseMeronothi, tindzawo letatingaphansi kwesandla sembusi waseNshonalanga Yufrathe.

Nehemiya 3:9

Lolulandzelako lwavuswa nguRefaya, umsa waHure, umbusi wencenye yesifundza saseJerusalema.

Umshumayeli 2:6

ngatakhela emadamu ekunisela lamahlatsi etihlahla letikhulako,

Isaya 8:6

“Njengobe lesive siwalile emanti aseShilowa lehla kamnandzi, sajabulela Resini nendvodzana yaRemaliya,

Jeremiya 40:6

Ngako Jeremiya wahamba waya kaGedaliya, umsa wa-Ahikamu, eMispa, wahlala naye asemkhatsini webantfu lababesele eveni.

Lukha 13:4

Nome-ke nicabanga kutsi laba labebali-18 baseSilowama lokwawela kubo umbhoshongo wababulala, bona babebabi kakhulu yini kunabo bonkhe bantfu lababehlala eJerusalema?

Johane 9:7

Watsi kuyo: “Hamba uyewugeza echibini laseSilowama!” (Lelibito lisho kutsi: “Utfunyiwe”.) Lendvodza yavele yahamba yayawugeza, yabuya seyibona.

Tikhulu 20:1

Ngako sonkhe sive sema-Israyeli kusukela kaDani kuze kuyewufika eBherisheba, nekusukela kulakaGileyadi babophana baba ngumuntfu munye, bashulungana bayawubutsana eMispa embikwaSimakadze.

Tikhulu 20:3

BakaBhenjamini beva kutsi ema-Israyeli asakhuphukele eMispa. Ema-Israyeli abuta atsi: “Sitjeleni kutsi lentfo lembi kangaka yenteke kanjani.”