Nehemiya 2:5 - Siswati 1996 Bible

⁵ ngayiphendvula inkhosi, ngatsi: “Nangabe kukuhle enkhosini, nangabe inceku yakho izuze umusa enkhosini yayo, ngicela kutsi inkhosi ingivumele ngiye edolobheni lakaJuda, lapho kwalala khona bobabemkhulu, khona ngitawufike ngilivuse kabusha.”

Nehemiya 2:5 Referencias Cruzadas

2 Samuweli 14:22

Jowabe wakhotsamisa buso bakhe wabubhekisa phansi emhlabatsini, ahlonipha inkhosi, ayibusisa. Jowabe watsi: “Lamuhla sengiyati kutsi ngizuze umusa emehlweni akho, nkhosi yami, ngobe inkhosi isemukele sicelo senceku yayo.”

Ezra 5:17

“Ngako-ke nakukuhle enkhosini, ake kuphenyisiswe emilandvweni yebukhosi eBhabhulona kutewutfolakala kahle kutsi Khuresi, inkhosi, wawukhipha ngempela yini lomtsetfo wekutsi yakhiwe kabusha lendlu yaNkulunkulu eJerusalema. Inkhosi itawube seyiyasatisa sincumo sayo ngalendzaba.”

Nehemiya 2:4

Inkhosi yangibuta, yatsi: “Ufuna ngikwenteleni?” Ngavele ngathandaza kuNkulunkulu welizulu,

Nehemiya 2:6

Inkhosi kanye nenkhosikati leyayihleti eceleni kwayo yangibuta yatsi: “Kodvwa, lendlela yakho itakutsatsa sikhatsi lesidze kangakanani, bese ubuya nini?” Inkhosi yasijabulela lesicelo sami, ngako nami ngase ngimisa sikhatsi.

Esta 1:19

Nakukuhle enkhosini, kuncono ikhiphe umtsetfo kutsi Vashti angaphindzi ete embikwenkhosi. Loko akufakwe emtsetfweni wasePheresiya naseMediya, khona kungetiwuphindze kuguculwe. Sikhundla sebunkhosikati lenkhulu inkhosi ayisinike lomunye umfati lomuhle lonenhlonipho kunaye.

Esta 5:8

Nangabe inkhosi ingaba nemusa kimi ingiphe sicelo sami, ngicela kutsi iphindze ibuye naHamani kusasa kulelinye lidzili lengitawube ngililungisele bona. Ngitayitjela lapho-ke inkhosi kutsi siyini sicelo sami.”

Esta 7:3

Inkhosikati Esta, yaphendvula yatsi: “Nakukuhle enkhosini yami kwemukela sicelo sami, nome ngingesibani, sifiso sami, nkhosi, kutsi mane usindzise imphilo yami, nemphilo yesive sakitsi.

Esta 8:5

“Nakukuhle enkhosini, nangabe itsandza nekunginaka, nayibona kutsi loko kufanele kwentiwe, ngicela ikhiphe umtsetfo wekuncandza kufezwa kwemkhankhaso wekubulala onkhe emaJuda kuto tonkhe tifundza talombuso lobekuhloswe nguHamani, umsa waHamedatha, um-Agagi.

Taga 3:4

Loko kuyawukwenta ube neludvumo loluhle utsandvwe nguNkulunkulu nebantfu.

Danyela 9:25

“Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Matewu 23:27

“Maye kini, bafundzisi bemtsetfo nebaFarisi! Batentisi! Nifana nemathuna lacakaciwe aba mhlophe, abukeka amahle ngephandle, kodvwa ngekhatsi abe agcwele ematsambo ebantfu labafile nekungcola konkhe.

Ruthe 2:13

Ruthe wamphendvula watsi: “Maye, ube nemusa kimi, mnumzane, ngobe sewungidvudvutile, wangikhulumisa ngemoya lomuhle mine ncekukati yakho, lite ngingesiye lomunye wetincekukati takho.”