Nehemiya 2:3 - Siswati 1996 Bible

³ kodvwa ngakhuluma enkhosini ngatsi: “Lunwele loludze, nkhosi! Buso bami bungahlala kanjani bungakhatsateki, nangabe lidolobha, lapho kwalala khona bobabemkhulu, libhidlitiwe nemasango akhona asashiswe ngemlilo?”

Nehemiya 2:3 Referencias Cruzadas

1 Emakhosi 1:31

Ngako Bhatisheba wakhotsamisa buso bakhe wabubhekisa phansi, waguca embikwenkhosi, watsi: “Shangatsi inkhosi yami Davide angaphila phakadze!”

2 Emakhosi 25:8

Ngelilanga lesikhombisa enyangeni yesihlanu, emnyakeni weli-19 wekubusa kwaNebukhadnezari, inkhosi yaseBhabhulona, Nebuzaradani, indvuna yabomahlalesangweni benkhosi, siphatsimandla senkhosi yaseBhabhulona, weta eJerusalema.

2 Tikhronike 21:20

Jehoramu abeneminyaka lengema-32, nakabekwa kuba yinkhosi, wabusela eJerusalema iminyaka lesiphohlongo, wase uyakhotsama, kwabate ngisho namunye loweva buhlungu ngaloko; wafihlwa eDolobheni laDavide, noko hhayi emadlizeni emakhosi.

2 Tikhronike 28:27

Ahazi wase uyakhotsama, wafihlwa edolobheni laseJerusalema, kodvwa akazange afihlwe emadlizeni emakhosi aka-Israyeli. Hezekiya, umsa wakhe, waba yinkhosi esikhundleni sakhe.

2 Tikhronike 32:33

Hezekiya wase uyakhotsama, wafihlwa kubakubo entsabeni lapho kunemadliza etitukulwane taDavide khona. Sonkhe sive sakaJuda nesaseJerusalema samhlonipha kakhulu ekufeni kwakhe. Manase, umsa wakhe, waba yinkhosi esikhundleni sakhe.

2 Tikhronike 36:19

Bokhela lithempeli laNkulunkulu ngemlilo, babhidlita nalolubondza lwaseJerusalema base bashisa tigodlo tonkhe kanye netimphahla letatinelinani lelikhulu lapho.

Nehemiya 1:3

Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Nehemiya 2:13

Kwakutsi ebusuku ngivuke ngihlole lubondza lwaseJerusalema lolwase lubhidlitiwe nemasango akhona labesashiswe ngemlilo; ngangiphuma ngeliSango Lesigodzi ngicondze ngaseMtfonjeni Wemphungutja nangaseSangweni Lebulongo.

Esta 8:6

Empeleni mine ngingakumela ngikutibe njani, nangabe sive netihlobo tami tibhujiswa tibulawa?”

Tihlabelelo 102:14

Tinceku takho tiyitsandza ngisho nematje ayo; tihawukela lutfuli lwayo.

Tihlabelelo 102:15

Tive tiyawulesaba libito laSimakadze, nemakhosi onkhe emhlaba esabe bukhosi bakhe.

Tihlabelelo 137:6

Shangatsi nelulwimi lwami lunganamatsela elwangeni lwami, nangingakhohlwa wena, ngingayenti iJerusalema ibe kujabula kwami lokukhulu.

Tihlabelelo 38:7

Lukhalo lwami lucacamba kakhulu, sekute imphilo emtimbeni wami.

Jeremiya 52:12

Kwatsi elangeni lelishumi lenyanga yesihlanu ngemnyaka weli-19 wekubusa kwaNebukhadnezari, inkhosi yaseBhabhulona, Nebuzaradani, indvuna yabomahlalesangweni leyayikhonta inkhosi yaseBhabhulona, yefika eJerusalema.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”

Danyela 3:9

Bakhuluma enkhosini Nebukhadnezari, batsi: “Bayethe nkhosi, lunwele loludze! Wena waphakathi!

Danyela 5:10

Indlovukazi yatsi kube ive emavi enkhosi netindvuna, yeta yangena endlini yelidzili. Yafike yatsi: “Bayethe, nkhosi, lunwele loludze, wena waphakathi! Ungetfuki! Ungesabi!

Danyela 6:21

Danyela waphendvula watsi: “Lunwele loludze, nkhosi!

Danyela 6:6

Ngako labengameli naletikhulu babutsana baba sicumbi baya enkhosini, bafike batsi: “Bayethe, nkhosi Dariyusi, lunwele loludze! Nkhosi!

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.