Nehemiya 2:17 - Siswati 1996 Bible

¹⁷ Ngakhuluma kubo ngatsi: “Kambe niyayibona yini lenhlupheko lesikuyo ngekutsi iJerusalema ibhidlitwe nemasango ayo ashiswe ngemlilo? Wotani sitekwakha kabusha lubondza lweJerusalema kuze singabi nelihlazo.”

Nehemiya 2:17 Referencias Cruzadas

Ezra 9:9

Nome sitigcili nje, Nkulunkulu wetfu akasilahli ekuboshweni kwetfu. Usentele sihawu emehlweni emakhosi asePheresiya, ngekutsi usiphe kuphila lokusha kutsi sakhe kabusha indlu yaNkulunkulu wetfu nekutsi sivusetele tibondza tayo, waphindze wasipha lubondza lwekuvikeleka kaJuda naseJerusalema.

Nehemiya 1:3

Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Nehemiya 2:13

Kwakutsi ebusuku ngivuke ngihlole lubondza lwaseJerusalema lolwase lubhidlitiwe nemasango akhona labesashiswe ngemlilo; ngangiphuma ngeliSango Lesigodzi ngicondze ngaseMtfonjeni Wemphungutja nangaseSangweni Lebulongo.

Nehemiya 2:16

Letindvuna letatilapho tatingati kutsi ngiyephi nekutsi ngentani, ngobe kuze kube ngungaleso sikhatsi ngangisengakawatjeli lutfo emaJuda, nebaphristi, nalabahloniphekile, netindvuna kanye nabo bonkhe labanye lababetakuwenta lomsebenti.

Nehemiya 3:15

LiSango Lemtfombo lavuswa nguShalumi, umsa waKholi Hoze, umbusi wesifundza saseMispa, walivusa walifulela, wafaka tivalo talo kanye nemavelevele alo nemishudvo yalo endzaweni yayo. Waphindze wavusa lubondza ngaseChibini laseSilowama ngasengadzeni yenkhosi, kuze kuyewufika ngasetitebhisini letewuka tisuka eDolobheni laDavide.

Tihlabelelo 102:15

Tive tiyawulesaba libito laSimakadze, nemakhosi onkhe emhlaba esabe bukhosi bakhe.

Tihlabelelo 44:13

Usente saba yinhlekisa kubomakhelwane betfu, wasenta sihhala nakulabo labasihacile.

Tihlabelelo 44:14

Usente siga emkhatsini wetive, wasenta saba yintfo yekubukelwa phansi.

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Sililo 2:2

Simakadze ushwabudzele onkhe emakhaya akaJakobe, ngaphandle kwekuwahawukela. Ngelulaka lwakhe udladlabule tinqaba teNdvodzakati yakaJuda. Uwehlisele phansi emhlabatsini ngelihlazo umbuso wayo kanye netikhulu tayo.

Sililo 3:51

Loku lengikubonako kuletsa lusizi emphefumulweni wami, ngenca yabo bonkhe besifazane basedolobheni lami.

Hezekeli 5:14

“Ngiyawukwenta ube yincitsakalo nelihlazo emkhatsini wetive letibomakhelwane bakho, embikwabo bonkhe bantfu labendlulako.

Mikha 7:11

Nine bantfu baseJerusalema siyeta sikhatsi sekwakha kabusha tibondza telidolobha. Ngaleso sikhatsi live lakini liyawukwandziswa.

1 Samuweli 11:2

Kodvwa Nahashi, um-Amoni, watsi: “Ngitasenta sivumelwane nani kuphela naningangivumela kutsi ngikupulute liso langasekudla kini nonkhe, kuze ngitsele lihlazo kuso sonkhe sive sema-Israyeli.”