Nehemiya 2:15 - Siswati 1996 Bible

¹⁵ ngako ngenyusa sigodzi sasemfudlaneni iKhidroni ebusuku, ngihlola lubondza. Ekugcineni ngancandzeka ngabuye ngangena ngeliSango Lesigodzi.

Nehemiya 2:15 Referencias Cruzadas

2 Samuweli 15:23

Kuyo yonkhe leyo ndzawo sive sakhala kakhulu sisendlula. Inkhosi nayo yewela Sigodzi seKhidroni, sonkhe sive sahamba sacondza ngasehlane.

2 Tikhronike 26:9

Uziya wakha imibhoshongo eJerusalema eSangweni Lelikona, naseSangweni Lesigodzi kanye nasegunjini lelubondza, wayenta yaba yinqaba.

Nehemiya 2:16

Letindvuna letatilapho tatingati kutsi ngiyephi nekutsi ngentani, ngobe kuze kube ngungaleso sikhatsi ngangisengakawatjeli lutfo emaJuda, nebaphristi, nalabahloniphekile, netindvuna kanye nabo bonkhe labanye lababetakuwenta lomsebenti.

Nehemiya 3:13

LiSango leSigodzi lavuswa nguHanuni kanye netakhamiti taseZanowa. Balakha base bafaka tivalo talo kanye nemavelevele alo nemishudvo endzaweni yayo. Bachubeka bavusa kabusha nelubondza lolwalungemamitha labengaba ngema-440 budze, kuze kuyewufika eSangweni Lebulongo.

Johane 18:1

Jesu watsi kube acedze kuthandaza, wahamba kanye nebafundzi bakhe, bewelela ngesheya kwemfudlana lokwakutsiwa yiKhidroni. Bekunengadze langena kuyo Jesu kanye nebafundzi bakhe.