Nehemiya 13:25 - Siswati 1996 Bible

²⁵ Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Nehemiya 13:25 Referencias Cruzadas

2 Emakhosi 2:24

Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

Ezra 10:5

Ezra wasukuma, wafungisa baphristi, nemaLevi, nawo onkhe ema-Israyeli kutsi ente loko lekwase kunconyiwe. Bafunga.

Ezra 7:26

Lowo longawuhloniphi umtsetfo waNkulunkulu kanye nemtsetfo wenkhosi kufanele ajeziswe ngekutsi abulawe, nome adzingiswe, nome adliwe konkhe lanako, nome afakwe ejele.”

Nehemiya 13:11

Ngako ngatitsetsisa letindvuna, ngabuta ngatsi: “Lendlu yaNkulunkulu ayinakekelwa ngani kodvwa?” Ngako lamaLevi ngawabutsela ndzawonye onkhe, nguloyo naloyo ngammisa endzaweni yakhe.

Nehemiya 13:17

Ngako ngabatsetsisa baholi bakaJuda, ngatsi: “Yini lamanyala leniwentako, ekona liSabatha?

Nehemiya 13:24

Incenye yebantfwababo yayikhuluma lulwimi lwase-Ashdodi, nome-ke lwaletinye taleto tive bangakwati sanhlobo nje kukhuluma siJuda.

Nehemiya 5:13

Ngesuka lapho ngakhumula libhande lelaliselukhalweni lwami ngalivitsita, ngitsi: “Shangatsi Nkulunkulu angamphatsa kanjena-ke wonkhe umuntfu longenakusigcina lesetsembiso sakhe. Shangatsi lowo muntfu angaphundleka adzimate asale angenalutfo!” Kuloko, lababekhona lapho bananatela, ngekutsi: “Amen!” badvumisa Simakadze. Bantfu benta njengobe babefungile.

Nehemiya 5:6

Ngatfukutsela ngabila, nangiva letikhalo tabo.

Tihlabelelo 119:53

Nangibona tikhohlakali tephula umtsetfo wakho ngemabomu, ngitfukutsela ngigcwale kokana.

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

Taga 28:4

Labo labephula umtsetfo ngemabomu badvumisa lababi; kodvwa labo labahlonipha umtsetfo baphambana nebantfu lababi.

Isaya 50:6

Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

Dutheronomi 7:3

Ningendziselani nato. Emadvodzakati enu ningavumi kutsi ashade nemadvodzana ato, nemadvodzana enu ningavumi kutsi ashade nemadvodzakati ato,

Joshuwa 23:12

“Kodvwa naningajika nitetayelanise nensali yaletive lesasele emkhatsini wenu, niphindze nitsatselane bafati nato, nitihlanganise nato,