Nehemiya 13:13 - Siswati 1996 Bible

¹³ Ngabeka umphristi Shelemiya, naSadoki, ingcweti yetemtsetfo, nalomunye umLevi lekwakutsiwa nguPhedaya kutsi bengamele letingungumakamelo, ngabeka naHanana, umsa waZakhuri, umsa waMathaniya, waba ngumsiti wabo, ngobe lamadvodza abetsatfwa ngekutsi etsembekile. Babenikwe kutsi banakekele kwabelwa kwalabanakabo tintfo.

Nehemiya 13:13 Referencias Cruzadas

2 Emakhosi 12:15

Labantfu lababengamele lokwakhiwa kabusha kwelithempeli babetsembeke kangangobe akuzange kudzingeke nekutsi babutwe kutsi lemali beyisetjentiswa kanjani nabakhokhela letisebenti.

2 Emakhosi 12:16

Imali yeminikelo yemacala neyeminikelo yetono yona yayingangeniswa ethempelini laSimakadze, yayiba yebaphristi.

2 Emakhosi 22:7

Lamadvodza akukafaneli alandzise ngalemali lanikwe yona, ngobe asebenta ngekwetsembeka.”

Nehemiya 10:12

naZakhuri, naSherebiya, naShebaniya,

Nehemiya 10:38

Umphristi loyintalelwane ya-Aroni uyawuphekeletela emaLevi ngesikhatsi agcogca kwelishumi. EmaLevi kufanele nawo aletse kwelishumi kuko konkhe lokukwelishumi akuletse endlini yaNkulunkulu wetfu, etingungwini tasendlini yengcebo.

Nehemiya 11:22

Indvuna lenkhulu yemaLevi labeseJerusalema bekungu-Uzi, umsa waBani, umsa waHashabiya, umsa waMathaniya, umsa waMikha. Uzi abengulomunye webatukulu ba-Asafa lababehlabela endlini yaNkulunkulu.

Nehemiya 12:35

ngisho nalabanye baphristi lababenemacilongo kanye naZakhariya, umsa waJonathani, umsa waShemaya, umsa waMathaniya, umsa waMikhaya, umsa waZakhuri, umsa wa-Asafa,

Nehemiya 12:44

Ngaleso sikhatsi kwabekwa emadvodza labetakwengamela tingungumakamelo teminikelo, netetilinga kanye netekwelishumi. Lamadvodza abebekelwe kutsi abutse iminikelo yebaphristi neyemaLevi kubo bonkhe balimi lababesedvutane nemadolobha, akuletse kuletingungumakamelo, tonkhe tabelo tebaphristi netemaLevi letatifunwa ngumtsetfo. Sonkhe sive semaJuda saseneliswa yinkonzo yebaphristi neyemaLevi.

Nehemiya 3:30

Eceleni kwakhe, Hananiya, umsa waShelemiya, naHanuni, indvodzana yesitfupha yaSalafi, bavusa luhlangotsi lolulandzelako. Eceleni kwabo, Meshulamu, umsa waBherekhiya, naye wavusa lubondza lolwalusembikwakhe, macondzana nendlu yakhe.

Nehemiya 7:2

Ngabeka umnaketfu Hanani kutsi engamele iJerusalema abambisane naHananiya, indvuna yenqaba, ngobe Hananiya abeyindvodza leyayetsembekile yesaba Nkulunkulu kwendlula emadvodza lamanyenti.

Nehemiya 8:4

Ezra, ingcweti yetemtsetfo, bekeme endzaweni lephakeme leyayakhiwe ngemapulango, yakhelwe wona lowo msebenti. Eceleni kwakhe ngasesandleni sekudla bekume boMathithiya, naShema, na-Anaya, na-Uriya, naHilkiya kanye naMaseya; ngasesandleni sakhe sesancele bekume boPhedaya, naMishayeli, naMalkhiya, naHashumi, naHashabadana, naZakhariya kanye naMeshulamu.

Lukha 12:42

INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?

Imisebenti yebaPhostoli 4:35

bayinika baphostoli kutsi babehlukanisele bonkhe, kuye ngekweswela kwabo.

Imisebenti yebaPhostoli 6:1

Emvakwesikhatsi, seloku bafundzi bandza ngebunyenti, kwaba khona kucabana nekungevani emkhatsini wemaJuda lakhuluma siGriki nemaJuda ekutalwa. EmaJuda lakhuluma siGriki asola kutsi bafelokati bawo babenganakwa ekwenetisweni kwemihla ngemihla.

Imisebenti yebaPhostoli 6:3

Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.

1 kubaseKorinthe 4:2

Futsi-ke baphatsi kufuneka kutsi batfolakale betsembekile.

1 kuThimothi 1:12

Ngiyambonga Khristu Jesu iNkhosi yetfu longiphe emandla, ngobe wangetsemba ngekungifaka emsebentini wakhe.

1 kuThimothi 3:10

Laba kufanele bavivinywe kucala, bese-ke bangena emsebentini webudikhoni, nabangasoleki.