Nehemiya 13:10 - Siswati 1996 Bible

¹⁰ Ngaphindze ngakhandza nekutsi emaLevi abengasanikwa tabelo tawo, ngaloko onkhe emaLevi nebahlabeli labangubona bengamele inkonzo sebatibuyelela emasimini abo.

Nehemiya 13:10 Referencias Cruzadas

2 Tikhronike 31:4

Watjela bantfu lababehlala eJerusalema kutsi abaletse leso sabelo lesasifanele baphristi nemaLevi, kuze batinikele ngalokuphelele emtsetfweni waSimakadze.

Nehemiya 10:37

“Ngetulu kwaloko sitawuletsa etingungwini tendlu yaNkulunkulu wetfu, kubaphristi kwekucala kwalokusampuphu yetfu, nekwalokutinhlavu lokungumnikelo, nekwetitselo tato tonkhe tihlahla tetfu tetitselo, nekweliwayini lelisha nemafutsa. “Sitawuletsa nekwelishumi kwetivuno tetfu kumaLevi, ngobe ngemaLevi lagcogca kwelishumi kuwo onkhe emadolobha, lapho sisebentela khona.

Nehemiya 10:39

Sive sema-Israyeli ngisho nemaLevi, cobo lwawo, kufanele aletse umnikelo wawo walokutinhlavu, neweliwayini lelisha, newemafutsa etingungwini, lapho kuhlala khona timphahla letingcwele tasendlini lengcwelengcwele, lapho kuhlala khona baphristi labakhontako, nabomahlalesangweni, nebahlabeli. “Ngeke sesiyilahle indlu yaNkulunkulu wetfu.”

Nehemiya 12:47

Ngako ngetikhatsi taboZerubhabheli naboNehemiya, onkhe ema-Israyeli abeletsa umnikelo welilanga ngelilanga webahlabeli newabomahlalesangweni. Ngabo futsi labebabela lawa lamanye emaLevi incenye yawo, nemaLevi ehlukanisa tabelo tetitukulwane ta-Aroni.

Isaya 43:23

Awukatiletsi kimi timvu temnikelo wakho wekushiswa, futsi awukangihloniphi nangemihlatjelo yakho. Angikakwetfwesi umtfwalo ngeminikelo yalokutinhlavu, nome-ke ngikuhluphe ngekufuna imphepho kuwe.

Malakhi 3:8

“Umuntfu angemebela yini Nkulunkulu? Noko niyangebela. “Kodvwa niyabuta nitsi: ‘Sikwebela njani?’ “Ngekwelishumi nangeminikelo.

Numeri 35:2

“Yala ema-Israyeli kutsi abele emaLevi lawo madolobha latawuhlala kuwo kuleso sabelo lesitawuba ngesawo ema-Israyeli. Wabeleni nalawo madlelo latungelete lawo madolobha.

Dutheronomi 12:19

Caphelani kutsi ningawalibali emaLevi, yingci nanisahlala kulelo live lenu.