Nehemiya 12:27 - Siswati 1996 Bible

²⁷ Ngesikhatsi sekunikelwa kwelubondza lweJerusalema, emaLevi afunwa aze atfolakala lapho abehlala khona, atsatfwa aletfwa eJerusalema kutsi atewungenela lomkhosi ngenjabulo, nangetingoma tekubonga, nangemculo wabokhencekhence, newemahabhu, newemalire lanetintsambo letinyenti.

Nehemiya 12:27 Referencias Cruzadas

2 Samuweli 6:12

Inkhosi Davide bayitjela batsi: “Simakadze sewuyibusisile indlu yaka-Obedi Edomu, kanye nako konkhe kwakakhe ngenca yelibhokisi lesivumelwane saSimakadze.” Ngako Davide wase uyehla uyawulandza libhokisi lesivumelwane saNkulunkulu ekhaya ka-Obedi Edomu, weta nalo, waliletsa eJerusalema, Lidolobha laDavide, ahamba ajabula.

1 Emakhosi 8:63

Solomoni wanikela ngemhlatjelo wekuthula kuSimakadze: Tinkhomo letatiti-22 000 netimvu letatiti-120 000 tihlangene netimbuti. Inkhosi yalinikela kanjalo-ke lithempeli laSimakadze, ikanye nesive sema-Israyeli.

1 Tikhronike 13:8

Davide kanye nawo onkhe ema-Israyeli babejabula bagidza ngawo onkhe emandla abo embikwaNkulunkulu ngetingoma, nangemahabhu, nangemalire, nangemafahlawane, nangemasimbali kanye nangemacilongo.

1 Tikhronike 15:12

Wakhuluma kubo watsi: “Nine nibaholi bemindeni yemaLevi. Ngini nalamanye emaLevi lekufanele nitihlambulule nibe ngcwele, bese niletsa lelibhokisi lesivumelwane saSimakadze, Nkulunkulu wema-Israyeli, nilimikise kulendzawo lesengiyilungiselele lona.

1 Tikhronike 15:16

Davide watjela baholi bemaLevi kutsi bakhetse bantfu nebahlabeli kutsi batewuhlabela tingoma tekujabula, baphekeletelwa ngimintjingozi: emalire, nemahabhu kanye nemasimbali.

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

1 Tikhronike 15:4

Wabita wahlanganisa titukulwane taka-Aroni kanye nemaLevi:

1 Tikhronike 16:42

BoHemani naJeduthuni bona umsebenti wabo bekukushaya emacilongo, nemasimbali kanye nekudlala letinye tingubhu tekuhlabela ingoma lengcwele yekudvumisa. Emadvodzana aJeduthuni wona abema esangweni.

1 Tikhronike 16:5

Asafa abengumholi wabo lomkhulu, wesibili kunguZakhariya, bese kuba boJeyiyeli, naShemiramothi, naJehiyeli, naMathithiya, na-Eliyabe, naBhenaya, na-Obedi Edomu kanye naJeyiyeli. Bekufanele badlale emalire nemahabhu, bese kutsi Asafa adlale emasimbali.

1 Tikhronike 23:5

Labati-4 000 bona batawuba bomahlalesangweni, labati-4 000 babe bekudvumisa Simakadze ngetingubhu temculo lengitimisele loko.”

1 Tikhronike 26:31

KubakaHebroni, Jeriya abengumholi ngekwemlandvo weluhlanga lwekutalana kwemindeni yabo. Ngemnyaka wema-40 wekubusa kwaDavide kwaba neluphenyo emilandvweni, kwaze kwatfolakala bakaHebroni lababengemadvodza lanelikhono eJazeri yaseGileyadi.

2 Tikhronike 29:25

Wemisa emaLevi ethempelini laSimakadze aphetse emasimbali, nemahabhu, nemalire ngayo yona leyo ndlela leyayimiswe nguDavide naGadi, umboniswa wenkhosi, kanye naNathani, umphrofethi. Loko bekungumyalo lowetfulwa nguSimakadze ngebaphrofethi bakhe.

2 Tikhronike 29:30

Inkhosi Hezekiya kanye netiphatsimandla takhe bayala emaLevi kutsi advumise Simakadze ngemavi aDavide kanye newa-Asafa, umboniswa. Ngako bahlabela tingoma tekudvumisa bajabulile, bakhotsamisa tinhloko tabo bakhonta.

2 Tikhronike 5:13

Labashayi bemacilongo nalabahlabeli bahlangana bahlabela kanyekanye, kwaze kwaba shangatsi liphimbo linye, banika Simakadze ludvumo netibongo. Baphakamisa emaphimbo abo babonga Simakadze bashaya emacilongo, nemasimbali naletinye nje tingubhu, bahlabela batsi: “Dvumisani Simakadze, ngobe ulungile, nelutsandvo lwakhe lume kuze kube phakadze.” Lithempeli laSimakadze lase ligcwaliswa lifu,

2 Tikhronike 7:6

Baphristi bema ngetindzawo tabo, njengobe kwenta nemaLevi, banetingubhu temculo, letatentiwe yinkhosi Davide, itentele kudvumisa Simakadze, letatiphindze tisetjentiswe nakambonga atsi: “Umusa wakhe ume kuze kube phakadze.” Malungana nemaLevi baphristi nabo babeshaya emacilongo, lapho onkhe ema-Israyeli aseme ngetinyawo.

Ezra 6:16

Bantfu baka-Israyeli, baphristi nemaLevi kanye nabo bonkhe lababetfunjiwe, bagubha umkhosi wekuvula indlu yaNkulunkulu ngekujabula.

Nehemiya 11:20

Lawa lamanye ema-Israyeli, nebaphristi babo, nemaLevi babegcwele kuwo onkhe emadolobha akaJuda, ngulowo ahleti endzaweni yeyisemkhulu.

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Nehemiya 8:17

Bonkhe bantfu labebabuya ekutfunjweni batakhela emadlangala, bahlala kuwo. Kusukela esikhatsini saJoshuwa, umsa waNuni, kwaze kwaba ngulelo langa babengazange bawugubhe lowo mkhosi ngaleyo ndlela labawugubha ngayo. Kujabula kwabo kwaba kukhulu kakhulu.

Tihlabelelo 149:3

Abadvumise ngekugidza nangesigubhu nangehabhu.

Tihlabelelo 30:1

Ngiyawukudvumisa, Simakadze, ngobe ungenyule ebunzimeni, wala kutsi titsa tami titijabulise ngami.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 20:5

“Baholi bayawukhuluma kulemphi yonkhe, batsi: ‘Kukhona yini lowakhe indlu lensha labesengakayinikeli? Lowo akancandzeke aye ekhaya, funa afele emphini, bese inikelwa ngulomunye umuntfu.

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

Sembulo 5:8

Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.