Nehemiya 12:24 - Siswati 1996 Bible

²⁴ Baholi bemaLevi bekuboHashabiya, naSherebiya, naJeshuwa, umsa waKhadmiyeli; ticheme tabomnakabo tatima malungana nabo, kuze tidvumise tiletse netibongo, sicheme sabomnakabo lesinye siphendvule lesinye, njengobe abeshito Davide, inceku yaNkulunkulu.

Nehemiya 12:24 Referencias Cruzadas

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

1 Tikhronike 16:4

Wakhetsa labanye bemaLevi kutsi bakhonte embikwelibhokisi lesivumelwane saSimakadze, bancuse, babonge babuye badvumise Simakadze Nkulunkulu wema-Israyeli:

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Ezra 2:40

EmaLevi wona: bekutitukulwane takaJeshuwa netakaKhadmiyeli, ngeluhlanga lwaHodaviya, abengema-74.

Nehemiya 11:17

naMathaniya, umsa waMikha, umsa waZabdi, umsa wa-Asafa labengumcondzisi labehola tibongo nemithandazo, naBakbukiya labewesibili kubomnakabo, na-Abda, umsa waShamuwa labetalwa nguGalali, umsa waJeduthuni.

Nehemiya 12:23

Tinhloko temindeni tetitukulwane temaLevi kuze kube ngusesikhatsini saJohanani, umsa wa-Eliyashibi, taze tabhalwa phansi etincwadzini temilandvo.

Nehemiya 12:36

nabomnakabo: boShemaya, na-Azareli, naMilalayi, naGilalayi, naMayi, naNethaneli, naJuda, naHanani, netingubhu tabo telikhetselo laDavide, inceku yaNkulunkulu. Ezra, ingcweti yetemtsetfo, abehola wonkhe lomkhumbi walowo mkhosi.

Nehemiya 8:7

Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.

Nehemiya 9:4

Bekunendzawo leyayakhiwe ngemapulango, itsite kuphakama lapha embikwabo lapho bekunemaLevi khona: boJeshuwa, naBani, neKhadmiyeli, naShebaniya, naBuni, naSherebiya, naBani kanye naKhenani. Bona babethandaza baphakamise emaphimbo abo kuSimakadze Nkulunkulu wabo.

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

2 kuThimothi 3:17

kuze umuntfu waNkulunkulu atewuhlonyiswa alungele kwenta wonkhe umsebenti lomuhle lamiselwe wona.

Joshuwa 14:6

Emadvodzana akaJuda aya kuJoshuwa eGilgali, Khalebi, umsa waJefune, umKhenizi, wafike watsi: “Uyati kutsi Simakadze watsini ngawe nami, kuMosi, inceku yaNkulunkulu, eKhadeshi Bhaneya?