Nehemiya 11:16 - Siswati 1996 Bible

¹⁶ naShabhethayi, naJozabadi, lababengubona batinhloko temaLevi labebhekene nemsebenti wangaphandle kwendlu yaNkulunkulu;

Nehemiya 11:16 Referencias Cruzadas

1 Tikhronike 26:20

EmaLevi lamanye abephatsa ingcebo yendlu yaNkulunkulu nengcebo yetintfo letinikelwe kuNkulunkulu.

1 Tikhronike 26:29

Etitukulwaneni temaJisihari: Khenaniya nemadvodzana akhe banikwa imisebenti ngephandle kwelithempeli kutsi babhale imilandvo babuye babe behluleli besive sema-Israyeli.

Ezra 10:15

Kwaba nguJonathani, umsa wa-Asaheli, naJahazeya, umsa waThikva, kuphela labaphambana nalesiphakamiso. Basekelwa nguMeshulamu naShabhethayi, umLevi.

Ezra 8:33

Ngelilanga lesine, sesisendlini yaNkulunkulu wetfu, sakala isiliva, negolide, netimphahla letingcwele etandleni taMeremothi, umsa wa-Uriya, umphristi. Eleyazare, umsa waFinehasi, abenaye kanye nemaLevi, boJozabadi, umsa waJeshuwa, naNohadiya, umsa waBinuwi.

Nehemiya 11:15

KumaLevi bekuboShemaya, umsa waHashubi, umsa wa-Azrikamu, umsa waHashabiya, umsa waBuni,

Nehemiya 11:17

naMathaniya, umsa waMikha, umsa waZabdi, umsa wa-Asafa labengumcondzisi labehola tibongo nemithandazo, naBakbukiya labewesibili kubomnakabo, na-Abda, umsa waShamuwa labetalwa nguGalali, umsa waJeduthuni.

Nehemiya 8:7

Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.