Nehemiya 10:29 - Siswati 1996 Bible

²⁹ bonkhe-ke labo bahlanganyela nabomnakabo nebahlonishwa babo, batibopha ngesicalekiso nangesifungo kutsi batawulandzela kahle umtsetfo waNkulunkulu labanika wona ngaMosi, inceku yaNkulunkulu, kuyilalela yonkhe imiyalo nemihambo kanye netimiso taSimakadze longuNkulunkulu wabo.

Nehemiya 10:29 Referencias Cruzadas

2 Emakhosi 10:31

Kodvwa Jehu akazange acaphele kunakekela umtsetfo waSimakadze, Nkulunkulu wema-Israyeli, ngayo yonkhe inhlitiyo yakhe. Akazange aphendvuke etonweni taJerobowamu labedvonsele ngato sive sema-Israyeli ekoneni.

2 Emakhosi 23:3

Inkhosi yema eceleni kwensika yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe kanye netimiso takhe ngayo yonkhe inhlitiyo yayo nangawo wonkhe umphefumulo wayo, ngaloko yacinisa kwemukela emavi esivumelwane labhalwe kulencwadzi. Bonkhe bantfu batifaka kuleso sivumelwane.

1 Tikhronike 9:2

Bekucala ekubuyeni nasekucabeni etindzaweni tabo emadolobheni abo kwakungema-Israyeli labebabantfu nje, nebaphristi, nemaLevi kanye netikhonti tasethempelini.

2 Tikhronike 34:31

Inkhosi yema eceleni kwensika yayo yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe, kanye netimiso takhe, ngayo yonkhe inhlitiyo yayo, nangawo wonkhe umphefumulo wayo, nekulalela emavi esivumelwane labhalwe kulencwadzi.

2 Tikhronike 6:16

“Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu loyawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo njengekwemitsetfo yami, njengobe wena wentile.’

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Nehemiya 7:46

Tisebenti telithempeli tona: bekutitukulwane takaSiha, netakaHasufa, netakaThabhayothi,

Nehemiya 8:2

Kwatsi ngelilanga lekucala enyangeni yesikhombisa Ezra, umphristi, wabeka umtsetfo embikwawo wonkhe umhlangano, lapho kwakunemadvodza nebafati khona kanye nabo bonkhe lababekhona kuwucondzisisa.

Nehemiya 8:3

Wabafundzela wona kusukela ekuseni kuseluvivi, kwaze kwaba ngusemini, abeme abheke kulenkhundla lesembikweliSango Lemanti, lapho kwakubutsene khona emadvodza nebafati kanye nabo bonkhe lababenekuwucondza. Bonkhe bantfu balalelisisa nakufundvwa lencwadzi yemtsetfo.

Nehemiya 9:2

Labo bebangema-Israyeli ekutalwa batehlukanisa kubo bonkhe betive. Bema ngetindzawo tabo, bavuma tono tabo nekonakala kwabokhokho babo.

Nehemiya 9:38

“Ngetulu kwako konkhe loku, sesitibopha ngesivumelwane lesitakubhalwa phansi, kutawutsi baholi betfu, nemaLevi etfu kanye nebaphristi betfu basisayine ngekufaka tigcivito tabo kuso.”

Tihlabelelo 105:45

kuze bacaphele timiso takhe, bagcine imitsetfo yakhe. Haleluya, dvumisani Simakadze!

Tihlabelelo 119:106

Ngifungile ngafungisisa kutsi ngiyawuyilalela imitsetfo yakho yekulunga.

Tihlabelelo 8:1

Maye, Simakadze, Nkhosi yetfu! Libito lakho liyababateka emhlabeni wonkhe! Wena ubeke ludvumo lwebukhosi bakho ngetulu kwemazulu.

Tihlabelelo 8:9

Maye, Simakadze, Nkhosi yetfu, libito lakho liyababateka emhlabeni wonkhe!

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Jeremiya 26:4

Khuluma kubo utsi: ‘Naku lokushiwo nguSimakadze, utsi: Naningalaleli kimi nilandzele umtsetfo wami lengiwubeke embikwenu,

Jeremiya 34:15

Khona nyalo nje nike naphendvuka nenta lokuhle emehlweni ami, kwaba ngulowo nalowo wenu wamemetela inkhululeko kubantfu bakubo. Nidzimate nenta ngisho nesivumelwane embikwami nisendlini leneLibito lami.

Hezekeli 36:27

Ngiyawufaka Moya wami kini, nginente nilandzele timiso tami, nicaphele kugcina imitsetfo yami.

Levithikusi 20:26

Kufanele nibe ngcwele kimi, ngobe mine, Simakadze, ngingcwele, ngitehlukanisele nine emkhatsini wetive tonkhe kutsi nibe sive sami.

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Numeri 5:21

bese umphristi ufungisa lomfati ngesicalekiso atsi kuye: “Shangatsi Simakadze angenta bantfu bakini bakucalekise, baphindze bakusole. Shangatsi angashwaphanisa ematsanga akho, akhukhumukise nesisu sakho.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 15:14

Nine nitihlobo tami, nanenta loku lenginiyale ngako.

Johane 7:19

Mosi akaninikanga yini umtsetfo? Kodvwa kute namunye emkhatsini wenu lowulalelako lowo mtsetfo. Nentiwa yini lokutsi nifune kungibulala?”

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 17:34

Kepha lamanye emadvodza atihlanganisa naye akholwa. Emkhatsini wawo bekukhona naDiyonisiyusi labelilunga le-Ariyophagusi nemfati labenguDamarisi kanye nalabanye.

Imisebenti yebaPhostoli 23:21

Kodvwa ungavumi, ngobe kukhona emadvodza langetulu kwema-40 latawube amlalele endleleni atembulala. Asente nesifungo kutsi angeke akudle kudla, nekunatsa angeke anatse angakabulali Pawula. Njengamanje nje, asalungele kukwenta loko, aseme ngawe nje kutsi eve kutsi wena utsini.”

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

Dutheronomi 33:4

umtsetfo lesawunikwa nguMosi, lifa lesive sakaJakobe.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Dutheronomi 5:32

“Ngako caphelani kwenta loko Simakadze Nkulunkulu wenu laniyale ngako kutsi nikwente; ningacali nijikele ngesekudla nome ngesancele.