Nehemiya 1:3 - Siswati 1996 Bible

³ Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Nehemiya 1:3 Referencias Cruzadas

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

2 Emakhosi 25:10

Yonkhe-ke imphi yaseBhabhulona, leyayingaphansi kwendvuna yabomahlalesangweni, yatidzilita tonkhe tibondza letatitungeleta iJerusalema.

2 Tikhronike 36:19

Bokhela lithempeli laNkulunkulu ngemlilo, babhidlita nalolubondza lwaseJerusalema base bashisa tigodlo tonkhe kanye netimphahla letatinelinani lelikhulu lapho.

Ezra 2:1

Laba bantfu besifundza lababuya besuka ekutfunjweni, lababetfunjwe nguNebukhadnezari, inkhosi yaseBhabhulona, wabatfumbela eBhabhulona. Babuyela eJerusalema nakaJuda, nguloyo naloyo edolobheni lakubo.

Ezra 5:8

“Inkhosi kufanele yati kutsi sihambile saya esifundzeni sakaJuda, ethempelini laNkulunkulu lomkhulu. Bantfu balakha ngematje lamakhulu, bafaka netingodvo kulolubondza lwalo. Lomsebenti wentiwa ngenkhutsalo, kantsi futsi uchubeka kahle kakhulu.

Nehemiya 11:3

Laba-ke baholi betifundza labefika bakha eJerusalema; labanye bekungema-Israyeli, nebaphristi, nemaLevi, netisebenti tasethempelini, nebatukulu betisebenti taSolomoni labebahlala emadolobheni akaJuda, nguloyo atihlalela endzaweni yakakhe emadolobheni lehlukene,

Nehemiya 2:13

Kwakutsi ebusuku ngivuke ngihlole lubondza lwaseJerusalema lolwase lubhidlitiwe nemasango akhona labesashiswe ngemlilo; ngangiphuma ngeliSango Lesigodzi ngicondze ngaseMtfonjeni Wemphungutja nangaseSangweni Lebulongo.

Nehemiya 2:17

Ngakhuluma kubo ngatsi: “Kambe niyayibona yini lenhlupheko lesikuyo ngekutsi iJerusalema ibhidlitwe nemasango ayo ashiswe ngemlilo? Wotani sitekwakha kabusha lubondza lweJerusalema kuze singabi nelihlazo.”

Nehemiya 2:3

kodvwa ngakhuluma enkhosini ngatsi: “Lunwele loludze, nkhosi! Buso bami bungahlala kanjani bungakhatsateki, nangabe lidolobha, lapho kwalala khona bobabemkhulu, libhidlitiwe nemasango akhona asashiswe ngemlilo?”

Nehemiya 7:6

Laba bantfu lababetfunjwe nguNebukhadnezari, inkhosi yaseBhabhulona, labancandzeka babuyela eJerusalema nakaJuda, ngulowo nalowo edolobheni lakubo,

Esta 1:1

Inkhosi Ahashiveroshi ngesikhatsi sayo yayibusa tifundza letili-127 kusukela eNdiya kuze kuyewuma eSudani.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Taga 25:28

Umuntfu lowehluleka kutibamba ufanana nelidolobha lelibhidlikelwe tindvonga talo.

Isaya 43:28

Ngako-ke nami ngitatihlazisa tikhulu telithempeli lenu, ngivele ngitfumele Jakobe ekubhujisweni, na-Israyeli kutsi edzelelwe.”

Isaya 5:5

Manje-ke senginitjela kutsi ngitakwentani kulesivini sami: Ngitawususa lolutsango lwaso, lesivini sibhujiswe, ngitawuhhihlita nalolubondza lwaso, sinyatselwe phansi.

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 42:18

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Njengobe intfukutselo yami nelulaka lwami sekutfululelwe kulabo labebahlala eJerusalema, kanjalo lulaka lwami lutawutfululelwa etikwenu, naniya eGibhithe. Niyawuba yintfo yekucalekisa neyekwesabisa, nibe yintfo yekwetfuka nelihlazo; ningeke niphindze niyibone lendzawo.’

Jeremiya 5:10

“Dzabula tivini taso utone, kodvwa ungatibhubhisi tiphele titsi nya. Waphundle emagala ato, ngobe labantfu abasibo baSimakadze.

Jeremiya 52:14

Yonkhe-ke imphi yaseBhabhulona, leyayingaphansi kwendvuna yemphi yabomahlalesangweni, yabhidlita tonkhe tibondza letatitungeleta iJerusalema.

Sililo 1:7

Ngemalanga ekushaywa nekundzindza kwayo iJerusalema iwakhumbula onkhe emagugu ayo labengewayo ngemalanga akadzeni. Ngaleto tikhatsi bantfu bayo nabawela etandleni tetitsa, kwabate namunye labengayilamlela. Titsa tayo tayibuka, tayihleka bulima nayibhidlika.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Sililo 3:61

Awu Simakadze, utivile tinhlamba tabo, onkhe emacebo abo labangimisele wona,

Sililo 5:1

Awu Simakadze! Khumbula kutsi kwentekeni kitsi. Buka ulibone lihlazo letfu.

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.