Nehemiya 1:2 - Siswati 1996 Bible

² Hanani, lomunye wabomnaketfu, wefika nalamanye emadvodza baphuma kaJuda; ngase ngibabuta ngesimo sensali yakaJuda leyayisindze ekutfunjweni, kanye nangeJerusalema kutsi ime kanjani.

Nehemiya 1:2 Referencias Cruzadas

Genesisi 14:10

Litsafa laseSidimu laligcwele imigodzi yelitiyela. Ngesikhatsi emakhosi aseSodoma abaleka, agcumukela kulemigodzi, lamanye abalekela etintsabeni.

2 Emakhosi 24:14

Wayitfumba yonkhe iJerusalema: tonkhe tindvuna, netingwazi, nato tonkhe tingcweti temisebenti yetandla kanye nebabumbi betinsimbi; babeti-10 000 sebabonkhe. Kwashiywa labo bantfu lababetimphofana kuphela.

2 Emakhosi 25:12

Kodvwa lendvuna yabashiya labanye lababemphofu bakulelo live, kuze batewulima tivini nemasimi.

Ezra 9:14

Sitawuphindze futsi siyephule yini lemiyalo yakho ngekwendziselana naletive letenta tintfo letinengekako? Ungeke yini usitfukutselele kusibhubhisa, kubete ngisho nensali nome losindzako?

Nehemiya 7:2

Ngabeka umnaketfu Hanani kutsi engamele iJerusalema abambisane naHananiya, indvuna yenqaba, ngobe Hananiya abeyindvodza leyayetsembekile yesaba Nkulunkulu kwendlula emadvodza lamanyenti.

Jeremiya 44:14

Kute namunye wensali yakaJuda lowayawuhlala eGibhithe loyawuphunyula nome loyawusala bese uyancandzeka ubuyela eveni lakaJuda, lapho afisa kubuyela khona ayewuhlala. Kute nome munye loyawuncandzeka ngaphandle kwalabo labambalwa labayawubaleka.”

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.