Nehemiya 1:1 - Siswati 1996 Bible

¹ Lamavi angumlandvo waNehemiya, umsa waHakaliya. Loko kwenteka ngenyanga lenguKhislevu, emnyakeni wema-20 wekubusa kwa-Athazeksesi, ngiseseSusa enqabeni yalelo dolobha.

Nehemiya 1:1 Referencias Cruzadas

Ezra 10:9

Kwatsi kungakapheli emalanga lamatsatfu, onkhe emadvodza akaJuda newakaBhenjamini ahlangana ndzawonye eJerusalema. Ngelilanga lema-20 enyangeni yemfica, bonkhe base bahleti ebaleni lelithempeli, bakhatsateke kakhulu ngalemvula leyayina, ikakhulu ngesimo salowo mhlangano.

Ezra 7:7

Labanye bema-Israyeli, ngisho nebaphristi, nemaLevi, nebahlabeli, nabomahlalesangweni, netisebenti tasethempelini, nabo beta eJerusalema ngemnyaka wesikhombisa wekubusa kwa-Athazeksesi, inkhosi.

Nehemiya 10:1

Labo labasisayina lesivumelwane bekuboNehemiya, umbusi, indvodzana yaHakaliya, naSedekiya,

Nehemiya 2:1

Ngenyanga yaNisani, emnyakeni wema-20 wekubusa kwenkhosi Athazeksesi, ngesikhatsi inkhosi seyiletselwe liwayini, ngalitsatsa leliwayini ngaliniketa inkhosi. Ngangingazange sengibonakale ngingulodzabukile embikwenkhosi;

Nehemiya 5:14

Ngalesikhatsi seminyaka leli-12 ngingumbusi eveni lakaJuda, kusukela emnyakeni wema-20 wekubusa kwa-Athazeksesi kuye emnyakeni wema-32 wekubusa kwakhe, mine netihlobo tami asizange sikudle lokusabelo sami njengembusi.

Esta 1:2

Ngaleso sikhatsi Ahashiveroshi abebusela esigodlweni sakhe lesasiseSusa.

Esta 3:15

Ngekuyala kwenkhosi leso simemetelo sakhishwa eSusa inhlokodolobha yalowo mbuso; emancusa aphutfumisa lesimemetelo kuwo onkhe emave. Inkhosi naHamani bona bahlala phansi banatsa ngesikhatsi lidolobha lonkhe laseSusa lidzidzekile ngekumangala.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Zakhariya 7:1

Ngemnyaka wesine wekubusa kwenkhosi Dariyusi, kwefika livi laSimakadze kuZakhariya ngelilanga lesine enyangeni yemfica, inyanga yaKhislevu.