Nahume 3:17 - Siswati 1996 Bible

¹⁷ Balindzi bakho bafanana nesikhonyane, netindvuna takho tinjengelibulo lesikhonyane lesihlala elubondzeni nakumakhata, kodvwa kutsi nakuphuma lilanga, sindize siye le khashane, singatiwa lapho sikhona.

Nahume 3:17 Referencias Cruzadas

Jeremiya 51:27

“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.

Hezekeli 31:12

kwase kutsi tive tangaphandle letinelunya kakhulu tawujuba, tase tiyawushiya. Emagala awo lamakhulu awela etintsabeni nasetigodzini tonkhe; emagala awo asala phansi ephukile kuto tonkhe tihosha telive. Tonkhe tive temhlaba taphuma ngaphansi kwemtfunti wawo, tawushiya.

Nahume 2:9

Phangani isiliva! Phangani igolide! Imphango yinyenti kakhulu, nengcebo isuke kuyo yonkhe imigodzi yayo.

Sembulo 9:7

Lesikhonyane sasibonakala sifanana nemahhashi lalungiselwe imphi; etinhloko taso kunalokwakufana nemichele yegolide, buso baso bufanana nebemuntfu.