Nahume 2:10 - Siswati 1996 Bible

¹⁰ INineve seyiyabhujiswa, iphangiwe, ihlutjuliwe. Tinhlitiyo tiyancibilika, emadvolo ayaceka, imitimba iyatfutfumela, bonkhe buso buyaphaphatseka.

Nahume 2:10 Referencias Cruzadas

Genesisi 1:2

Umhlaba wawulihlane lelingenalutfo, bumnyama babumbonye emanti nekujula kwawo; Moya waNkulunkulu abehla enyuka ahambahamba etikwemanti.

Tihlabelelo 22:14

Ngicitseke njengemanti, emalunga ami onkhe ahhehlulukile, inhlitiyo yami igucuke yaba ngumtfwebeba, yancibilika ngekhatsi kwami.

Isaya 14:23

“Ngiyawuyenta ibe yindzawo yetikhova, kube yindzawo lelichaphoti. Ngiyawuyishanyela ngemshanyelo wembhubhiso,” usho njalo Simakadze longuSomandla.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 24:1

Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Jeremiya 30:6

Butani nibone: Umuntfu lomdvuna wake wamtala yini umntfwana? Manje-ke kwenteka kanjani lokutsi ngibone onkhe emadvodza lanemandla abambe tisu njengemfati nakaphetfwe ngumhelo, onkhe anebuso lobugcungce kwekufa?

Jeremiya 49:23

Macondzana neDamaseko: “IHamathi ne-Aphadi kujabhile, ngobe kuve tindzaba letimbi. Kuphelelwe tinhlitiyo, kugubhutele njengemagagasi elwandle.

Jeremiya 51:62

Bese utsi: ‘Awu, Simakadze, utsite utakuyibhubhisa lendzawo, kangangekutsi kute umuntfu nome silwane lesiyawuhlala kuyo, seyiyawusala ikhala libhungane phakadze naphakadze.’

Jeremiya 8:21

Njengobe bantfu bami bayabhujiswa, nami ngiyabhujiswa; ngiyalila, nekwesaba kuyangintfonya.

Hezekeli 21:7

Nabakubuta batsi: ‘Ububulelani?’ ubobaphendvula utsi: ‘Ngibubula ngenca yaletindzaba letitako. Tonkhe tinhlitiyo tiyawuncibilika, nato tonkhe tandla tiyawuceka; yonkhe imiphefumulo iyawukhatsala, nawo onkhe emadvolo ayawugeba angenwe ngemanti.’ Kuyeta! Nakanjani kutakwenteka loko, kusho iNkhosi Simakadze.”

Hezekeli 31:15

“ ‘Naku lokushiwo yiNkhosi Simakadze, itsi: Ngalelo langa lomsedari lowehliselwa ngalo ethuneni ngambonya tiyalu letingaphansi kwemhlaba ngekuwulilela; ngavimbela imifudlana yato, kwatsi lamanti ato lamanyenti ema, angete ageleta. Ngenca yawo iLebanoni ngayembatsisa lusizi, kwatsi tonkhe tihlahla tesiganga tabuna.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Joweli 2:6

Kubonakala kwaso kutfutfumelisa tive, kwente bonkhe buso buphaphatseke.

Nahume 2:2

Simakadze utawubuyisela ludvumo lwakaJakobe njengeludvumo lwaka-Israyeli, nome nje babhubhisi sebabacekele phansi babhubhisa netihlahla tabo temagelebisi.

Nahume 3:7

Bonkhe labakubonako bayawukubalekela, batsi: ‘INineve seyiwile, sengusemaboleleni, ingabe itawukhalelwa ngubani?’ Ngingamtfolaphi umuntfu longahle akudvudvute?”

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Joshuwa 2:11

Satsi kube sikuve loko, tinhlitiyo tetfu tashona phansi, kwabate namunye lowasala anesibindzi emkhatsini wetfu ngenca yenu, ngobe Simakadze Nkulunkulu wenu nguye longuNkulunkulu ezulwini etulu, nasemhlabeni phansi.

Joshuwa 7:5

labulala emadvodza langema-36 aka-Israyeli. Bawacosha ema-Israyeli bawesusa esangweni lelidolobha bayakuwangenisa eShebarimu, bawagwazela emaceleni etintsaba. Tinhlitiyo tesive sema-Israyeli natikubona loku, tashona phansi, taphelelwa ngemandla.