Nahume 1:6 - Siswati 1996 Bible

⁶ Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Nahume 1:6 Referencias Cruzadas

1 Emakhosi 19:11

Simakadze wakhuluma watsi: “Phuma, ume esicongweni salentsaba embikwaSimakadze, ngobe Simakadze utakwendlula.” Kwase kuvunguta umoya lomkhulu lonemandla lowadzabula tintsaba ekhatsi, wabhidlita nemadvwala embikwaSimakadze, kodvwa Simakadze abengekho kulowo moya. Emvakwalowo moya kwaba nekutamatama lokukhulu kwemhlaba, kodvwa Simakadze abengekho kuloko kutamatama kwemhlaba.

Jobe 26:11

Tinsika tasezulwini tiyatfutfumela, timangaliswe kutsetsa kwakhe.

Jobe 40:11

Khumula sikhahlo sentfukutselo yakho, bukisisa wonkhe umuntfu lotigcabhako, bese umehlisela phansi,

Jobe 9:5

Ugudlukisa tintsaba nato tingakwati loko, atigubuncelise ngentfukutselo yakhe.

Tihlabelelo 130:3

Kube wena, Simakadze, bewusibalela tono tetfu, ngubani labengaphunyula, angalahlwa?

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Tihlabelelo 76:8

Usesemazulwini wevakalisa kwehlulela kwakho, umhlaba wesaba, wathula,

Tihlabelelo 90:11

Ngubani lowati emandla entfukutselo yakho, yebo, nelulaka lwakho, kuze akwesabe ngalokufanele?

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 27:4

Angikatfukutseli. Kube mane bekunetinchachabutane nemanyeva langisukelako! Bengitawushuca ngiyekuwahlasela emphini; bengitawahloseka onkhe ngemlilo.

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 21:12

awu, wenandlu yakaDavide, naku lokushiwo nguSimakadze, utsi: “ ‘Sebentisani umtsetfocotfo njalo nje ekuseni; nimephule esandleni semcindzeteli lowo lodlelelwe; ngaphandle kwaloko intfukutselo yami itawuvuka ivutse njengemlilo ngenca yebubi lenibentile, yebo, ivutse kubete nalongayicima.

Sililo 2:3

Ngentfukutselo leyesabekako uncamule tonkhe timphondvo taka-Israyeli. Usifinyetile sandla sakhe sekudla ngesikhatsi kuchamuka sitsa. Ushise Jakobe, kwaba shangatsi kulavutela emalangabi emlilo, yebo, umlilo lodla ucotfule konkhe lokusedvutane nawo.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Sililo 4:11

Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.

Hezekeli 21:31

Ngiyawulutfululela etikwakho lulaka lwami, ngikuphefumulele ngentfukutselo yami levutsako. Ngiyawukwetfula etandleni tebantfu labanelunya, bantfu labanelikhono lekubhubhisa.

Hezekeli 30:16

Ngiyawulumeka umlilo eGibhithe; iPhelusiyumi iyawujilajileka ngenca yebuhlungu. IThebesi iyawuhlaselwa ifohlwe; iMemfisi iyawukhukhulwa.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Hezekeli 7:8

Sengitawutfululela lulaka lwami etikwakho, ngifeze intfukutselo yami kuwe; ngitakwehlulela njengekutiphatsa kwakho, ngikukhokhele ngangekwetento takho tonkhe letinengekako.

Nahume 1:2

Simakadze nguNkulunkulu lonesikhwele nalophindziselako. Simakadze uyabuyisela, futsi ugcwele intfukutselo. Simakadze uyatiphindziselela etitseni takhe, ehlisele njalo lulaka lwakhe kulabo labemelene naye.

Zefaniya 2:2

sikhatsi lesibekiwe sisengakefiki nisengakapheshulwa njengemakhoba, lusengakehleli etikwenu lulaka lwaSimakadze lolwesabekako, lisengakefiki lilanga lelulaka lwaSimakadze etikwenu.

Malakhi 3:2

Kodvwa ngubani nje longamelana nelilanga lekufika kwakhe? Ngubani longema ekubonakaleni kwakhe? Ngobe uyawufanana nemlilo wemcengi nome nensipho yemgezi.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”

Sembulo 16:8

Ingilosi yesine yatfululela sitja sayo elangeni; lavunyelwa kutsi lishise bantfu ngekushisa lokukhulu.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”