Nahume 1:5 - Siswati 1996 Bible

⁵ Tintsaba tiyatfutfumela embikwakhe, nemagcuma ancibilike aphele. Umhlaba nalabahlala kuwo kuyatfutfumela, nakuchamuka yena.

Nahume 1:5 Referencias Cruzadas

2 Samuweli 22:8

“Umhlaba watfutfumela, watamatama, tisekelo temazulu tatfutfumela, tatamatama, ngobe Somandla abesatfukutsele.

Jobe 26:11

Tinsika tasezulwini tiyatfutfumela, timangaliswe kutsetsa kwakhe.

Jobe 9:5

Ugudlukisa tintsaba nato tingakwati loko, atigubuncelise ngentfukutselo yakhe.

Tihlabelelo 104:32

yena lotsi nakabuka umhlaba utfutfumele, atsintse tintsaba tibhunye.

Tihlabelelo 114:4

Tintsaba tatjakadvula njengetimbuti, emagcuma atjekula njengemazinyane etimvu.

Tihlabelelo 114:6

Nine-ke tintsaba, nitjakadvuleleni njengetimbuti? Nani magcuma, nitjekuleleni njengemazinyane etimvu?

Tihlabelelo 18:7

Umhlaba watfutfumela, watamatama, netisekelo tetintsaba tatfutfumela, tatamatama, ngobe Somandla abesatfukutsele.

Tihlabelelo 18:8

Emakhala akhe akhafula intfutfu, umlomo wakhe wakheputa umlilo locotfulako kuwo kwakhehleka emalahle labovu.

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Tihlabelelo 68:8

umhlaba watamatama, emazulu antfontsa imvula, embikwaNkulunkulu, entsabeni yaseSinayi, ngesikhatsi kuta wena, Nkulunkulu, Nkulunkulu wema-Israyeli.

Tihlabelelo 98:7

Akubhodle lwandle, nako konkhe lokukulo. Akubhodle umhlaba nalabahlala kuwo!

Eksodusi 19:18

Yonkhe leNtsaba iSinayi yasibekelwa lifu, ngobe Simakadze abesehlele etikwayo ngemlilo. Intfutfu yenyuka njengentfutfu yembutfuma yemlilo; yonkhe intsaba yatamatama.

Isaya 24:1

Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Isaya 24:20

Umhlaba uyadzayitela njengesidzakwa, ujikita njengesidleke senyoni emoyeni. Umhlaba usindvwa kakhulu licala lawo lekuhlubuka, sewuze uyawa, futsi ungeke uphindze usukume.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 4:24

Ngabuka tintsaba, nato tatinyikanyika, onkhe emagcuma abeyendza.

Hezekeli 38:20

Tinhlanti taselwandle, netinyoni tasemoyeni, netilwane tesiganga, nato tonkhe tilwanyakatana letinwabutelako emhlabatsini, nabo bonkhe bantfu labasebusweni bemhlaba, kuyawutfutfumela ebukhoneni bami. Tintsaba tiyawugumbuceleka, emawa ahhihlikele phansi, nato tonkhe tindvonga tiyawudzilikela emhlabatsini.

Joweli 2:10

Embikwaso umhlaba uyatamatama, kutsi sibhakabhaka sitfutfumele, lilanga nenyanga kube mnyama, kutsi tinkhanyeti tingabe tisakhanya.

Amose 9:5

INkhosi Simakadze lenguSomandla, yona letsintsa umhlaba bese uyancibilika, kutsi bonkhe labahlala kuwo balile, live lonkhe likhukhumuke njengeNayili, liphindze libotje njengalomfula waseGibhithe,

Mikha 1:4

Letintsaba titawuncibilika ngaphansi kwetinyawo takhe; yebo, tincibilike njengemafutsa nakafakwa emlilweni. Tiyawugeletela etigodzini nasetihosheni; yebo, tigelete njengemanti ahhuhluleka aphuma eticongweni temagcuma.

Habakhuki 3:10

tintsaba takubona tatfutfumela. Kwendlula tikhukhula temanti, kujula kwabhodla, kwaphakamisela emagagasi ako etulu.

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 27:51

Bheka, indvwangu leyayilenga ethempelini yadzabuka ekhatsi, kusukela etulu kuya phansi. Umhlaba watamatama, emadvwala achekeka ekhatsi,

Matewu 28:2

Kwaba khona kutamatama kwemhlaba lokukhulu, ingilosi yeNkhosi yehla ezulwini, yaligicita lelitje, yase ihlala etikwalo.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 6:14

Sibhakabhaka sanyamalala njengekugocotwa kwelicansi; tonkhe tintsaba netichingi tesuswa etindzaweni tato.

Tikhulu 5:5

Tintsaba tatamatama embikwaSimakadze, longuSimakadze waseSinayi. Tatamatama embikwaSimakadze, Nkulunkulu wema-Israyeli.