Nahume 1:14 - Siswati 1996 Bible

¹⁴ Simakadze sewukhiphe umyalo mayelana nawe, Nineve, lotsi: “Awusayikuba natitukulwane letiyawumisa libito lakho. Ngitawutibhubhisa tonkhe titfombe takho netithico takho letisemathempelini abonkulunkulu bakho. Ngitanilungiselela emathuna, ngobe nibabi kakhulu!”

Nahume 1:14 Referencias Cruzadas

2 Emakhosi 19:37

Kwatsi ngalelinye lilanga aselibele kukhonta ethempelini lankulunkulu wakhe, Nisroki, kwesuka emadvodzana akhe, bo-Adrameleki naShareseri, bamjuba ngenkemba, besuka lapho babalekela eveni lase-Ararathi. Esahadoni, umsa wakhe, waba yinkhosi yase-Asiriya esikhundleni sakhe.

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Jobe 18:17

Kukhunjulwa kwakhe sekuyafiphala kulomhlaba, akasenabito lapha emhlabeni.

Tihlabelelo 109:13

Shangatsi intalelwane yakhe ingaphela nya; libito lakhe lesulwe esitukulwaneni lesitako.

Tihlabelelo 71:3

Bani lidvwala lesiphephelo kimi, lengingaphephela kulo nome nini, wena lowayala kutsi ngisindziswe, ngobe nguwe lidvwala lami nesiphephelo sami.

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 33:13

Nine lenikhashane, lalelani loku lengikwentile; nine lenisedvute, vumani emandla ami!

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Danyela 11:21

“Uyawulandzelwa ngumfokatana nje longazange asanikwe ludvumo lwebukhosi. Uyawufika ngesikhatsi bantfu bawo bativela bavikelekile, atsatse umbuso ngemacebo.

Danyela 5:27

Thekeli: Sewukaliwe etikalweni, kwatfolakala kutsi ulula.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Mikha 5:13

Ngiyawubhidlita tithico takho kanye netinsika tato tematje langcwele. Ungeke uphindze utikhonte letintfo letibatwe nguwe matfupha.

Mikha 5:14

Ngiyawudzephuna tonkhe tinsika tesithicokati lesingu-Ashera eveni lakho, ngibhidlite emadolobha akho.

Habakhuki 2:10

Wakhe luzungu lwekubhubhisa tive letinyenti, wahlazisa indlu yakho; walahlekelwa nakuphila kwakho.

1 Samuweli 3:13

Ngobe ngamtjela kutsi indlu yakhe ngitayehlulela phakadze naphakadze ngenca yesono lasatiko: Emadvodzana akhe atidvonsele sicalekiso, naye akazange awekhute kutsi ayekele.