Nahume 1:12 - Siswati 1996 Bible

¹² Naku lokushiwo nguSimakadze, utsi: “Nome ema-Asiriya anemandla futsi amanyenti, ayakubhujiswa aphele. Nome senginihluphe nganishaya kangaka, nine maJuda, ngingeke ngisachubeka nekunihlupha.

Nahume 1:12 Referencias Cruzadas

2 Emakhosi 19:35

Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

2 Emakhosi 19:37

Kwatsi ngalelinye lilanga aselibele kukhonta ethempelini lankulunkulu wakhe, Nisroki, kwesuka emadvodzana akhe, bo-Adrameleki naShareseri, bamjuba ngenkemba, besuka lapho babalekela eveni lase-Ararathi. Esahadoni, umsa wakhe, waba yinkhosi yase-Asiriya esikhundleni sakhe.

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 31:8

“Ema-Asiriya ayawubhujiswa ngenkemba, inkemba lengesiyo yendvodza, inkemba lengesiyo yebantfu lababhubhako, itawagwinya. Ayakuyibalekela lenkemba, nemajaha awo ayawusetjentiswa kamatima.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 51:22

Naku lokushiwo yiNkhosi Simakadze, Nkulunkulu wakho, lovikela sive sakhe, utsi: “Uyabona, sengiyisusile esandleni sakho indzebe beyikwenta udzayitele; kuleyo ndzebe, ludziwo lwentfukutselo yami, ungeke uphindze unatse kuyo futsi.

Isaya 7:20

Ngalelo langa Simakadze uyawusebentisa insingo lecashwe ngesheya kweMfula, inkhosi yase-Asiriya, kutsi itewuhhula ngayo tinhloko tenu, kanye netiboya letisemilenteni yenu, isuse netilevu tenu.

Isaya 8:8

uze utseleke kulakaJuda uligumbucele lonkhe, ulikhukhule uze uyewukhawula entsanyeni. Ngetimphiko tawo uyawulimbonya bubanti balo lonkhe lelo live lakho, awu Imanyuweli!”

Danyela 11:10

Emadvodzana ayo ayawutilungiselela imphi, abutse emabutfo lamanyenti, lomunye wawo nemphi yakhe bayawukhukhula kungatsi sihhuhhula semvula, ayidvudvule imphi, badzimate bahlasele nenqaba yenkhosi yaseningizimu.

Joweli 2:19

Simakadze utawuphendvula atsi kubo: “Nginipha sivuno salokutinhlavu, liwayini lelisha kanye nemafutsa, lokwenele kutsi kunganesutsisa; ngingeke ngiphindze nginente nibe yinhlekisa etiveni.

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Sembulo 7:16

Bangeke baphindze balambe, bangeke baphindze bome, lilanga lingeke liphindze libahlabe ngekubashisa, kute nome ngayini leyawubashisa.