Mikha 7:6 - Siswati 1996 Bible

⁶ Kuletikhatsi emadvodzana aphatsa boyise njengetilima, nemadvodzakati aphindzilitana nabonina, bese kutsi bomakoti baphambane naboninatala; yebo, titsa temuntfu bantfu bemndeni wakhe.

Mikha 7:6 Referencias Cruzadas

Genesisi 49:4

Njengobe uyaluka njengemanti nje, kodvwa utawulahlekelwa kuba yingcwele kwakho, ngobe walala nenyoko lomncane, wangcolisa umbhedze wami.

2 Samuweli 16:11

Davide wakhuluma ku-Abishayi nakuto tonkhe tindvuna takhe, watsi: “Indvodzana yami lephuma elukhalweni lwami, ngiyo lefuna kungibulala. Kangakanani-ke lomBhenjamini! Myekeleni anjalo, akachubeke angicalekise, ngobe utjelwe nguSimakadze kutsi akakwente.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Taga 30:11

Labanye bantfu bacalekisa boyise, bangabongi ngisho nekubonga kubonina.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Isaya 3:5

Bantfu bayawucindzetelana, umuntfu acindzetele lomunye, makhelwane acindzetele makhelwane. Labasha bayawuvukela labadzala, bantfu phaca bavukele lababaphetse.

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 9:4

“Caphelani bangani benu; ningabetsembi banakenu. Ngobe bonkhe bomnakenu banemanga, nabo bonkhe bangani bayayengana.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Obadiya 1:7

Bonkhe labo bewubambisene nabo bakukhohlisile, batakuhlehlisela emnyeleni welive lakho. Bantfu benihletisene nabo ngekuthula nyalo sebakwehlulile. Bangani bakho bewudla nabo sebakwetsiyele lugibe, badzimate bakhuluma bodvwa ngawe, batsi: ‘Kuphi-ke lokuhlakanipha kwakhe?’ ”

Matewu 10:21

“Kepha umuntfu uyawunikela umnakabo ekufeni, neyise umntfwanakhe; bantfwana bayawuvukela batali babo babanikele ekufeni.

Matewu 26:23

Jesu waphendvula watsi: “Lowo lofaka sandla kanye nami esitjeni sinye, nguye lotangitsengisa.

Lukha 12:53

Bayawucabana, uyise nendvodzana, indvodzana neyise, unina nendvodzakati, indvodzakati nenina, uninatala nemalukatane, malukatane neninatala.”

Lukha 21:16

Niyawunikelwa ngisho nabatali benu, nabomnakenu, netihlobo tenu, nebangani benu; labanye benu bayawubulawa nekubulawa.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’