Mikha 7:5 - Siswati 1996 Bible

⁵ Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

Mikha 7:5 Referencias Cruzadas

Tihlabelelo 141:3

Simakadze, beka umlindzi emlonyeni wami; ungeluse, ngingakhulumi lutfo ngemawala.

Tihlabelelo 38:14

Nginjengendvodza lengeva etindlebeni, nalengakwati kutikhulumela.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Jeremiya 9:4

“Caphelani bangani benu; ningabetsembi banakenu. Ngobe bonkhe bomnakenu banemanga, nabo bonkhe bangani bayayengana.

Sililo 1:2

Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Tikhulu 14:17

Ngako lomfati wakhala embikwakhe onkhe lawo malanga labesikhombisa elidzili. Kwatsi ngelilanga lesikhombisa Samsoni wase uyamchazela, ngobe abechubeka nekumncenga. Lomfati-ke wase uchazela labantfu bakubo lesiphicaphicwana.