Mikha 7:14 - Siswati 1996 Bible

¹⁴ Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Mikha 7:14 Referencias Cruzadas

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 143:5

Ngikhumbula emalanga asendvulo. Ngizindla ngemisebenti yakho yonkhe, ngicabange ngato tonkhe tento takho.

Tihlabelelo 28:9

Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.

Tihlabelelo 95:7

Ngobe yena unguNkulunkulu wetfu, tsine sitimvu telidlelo lakhe, nesive lesisetandleni takhe. Lamuhla shangatsi ningalilalela livi lakhe nalitsi:

Eksodusi 33:16

Nawungahambi natsi, kutawubonakala kanjani kutsi ngizuze umusa emehlweni akho, mine nalesive sakho? Kuhamba kwakho nami nalesive sakho ngiko lokufanele kusente sehluke emkhatsini wetive tonkhe temhlaba.”

Ingoma Yetingoma 4:1

Maye, umuhle, sitsandvwa sami! Maye, umuhle bo! Emehlo akho ngaphansi kweveyili yakho afanana nematuba. Tinwele takho tifanana nemhlambi wetimbuti, yebo, wetimbuti natehla eNtsabeni iGileyadi.

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 65:10

ISharoni iyawuba lidlelo lemihlambi yetimvu netimbuti, kutsi Sigodzi sase-Akhori sibe yindzawo yekuphumula imihlambi yetinkhomo, yebantfu bami labangifunako.

Jeremiya 49:31

“Sukumani nihlasele lesive lesikhibikile, lesihleti ngesibindzi, sive lesingenamasango lacinile, ngisho nemicabo. Bantfu baso bahlala ngabodvwa,” kusho Simakadze.

Sililo 1:7

Ngemalanga ekushaywa nekundzindza kwayo iJerusalema iwakhumbula onkhe emagugu ayo labengewayo ngemalanga akadzeni. Ngaleto tikhatsi bantfu bayo nabawela etandleni tetitsa, kwabate namunye labengayilamlela. Titsa tayo tayibuka, tayihleka bulima nayibhidlika.

Sililo 5:21

Awu! Simakadze, sibuyisele kuwe, kuze natsi sitewubuyela kuwe; sivusetele emalanga etfu abe njengemalanga asendvulo.

Hezekeli 36:11

Ngiyakwandzisa sibalo sebantfu nesetilwane kini, yebo, kuyawutalana kwandze. Ngiyawuhlalisa bantfu kini njengaloku kwakwenteka kucala, ngibuye nginente niphumelele ninjinge kakhulu kunakucala. Ngulapho-ke niyawukwati khona kutsi mine nginguSimakadze.

Levithikusi 27:32

Konkhe kwelishumi emhlambini wetinkhomo netimvu, ngisho sonkhe silwane selishumi lesendlula ngaphansi kwendvuku yemelusi, siyawuba ngcwele kuSimakadze.

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Obadiya 1:19

Sive lesichamuka eNegevu siyawuhlala eveni letintsaba lekungela-Edomu. Sive lesisuka emaceleni etintsaba siyawulitfumba live lemaFilisti. Yebo, ema-Israyeli ayawulitsatsa live laka-Efrayimu nelaseSamariya. BakaBhenjamini bona bayawutsatsa lakaGileyadi.

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Zefaniya 3:13

“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”

Zakhariya 10:10

Ngiyawubabuyisa besuke kulaseGibhithe, ngibabutse kulase-Asiriya. Ngiyawubayisa kaGileyadi naseLebanoni, lapho bayakweswela nendzawo yekuhlala.

Zakhariya 11:7

Labo lababetsengiselana ngetimvu base bayangicasha; ngayelusa lemihlambi leyase imiselwe kuhlatjwa. Ngase ngitsatsa tindvuku letimbili, lenye ngayetsa libito ngatsi nguMusa, nalenye ngatsi nguNhlanganiso, ngabe sengiyawelusa-ke lomhlambi.

Malakhi 3:4

neminikelo yakaJuda neyaseJerusalema iyawuphindze yemukeleke kuSimakadze, njengasemalangeni akadzeni, eminyakeni yasemandvulo.

Numeri 23:9

Ngiyababona loku ngilapha esicongweni sentsaba lesilidvwala. Yebo, ngiyababona loku ngilapha etulu ekuphakameni, ngibasinga umkhanya. Ngababona basive lesitihlalela sodvwa, sitehlukanise naletinye tive.

Numeri 32:1

EmaRubeni nemaGadi labenemihlambi lemikhulu yetinkhomo, netimvu, netimbuti abona ematsafa aseJazeri naseGileyadi kutsi abelungele kuba ngemadlelo.

Numeri 32:4

live Simakadze lalincoba walinika sive sema-Israyeli, lilungele kuba ngemadlelo, kantsi tinceku takho tinemihlambi yetifuyo.”

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Johane 17:16

Njengobe nami ngingesiye walelive, nabo abasibo balelive.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.