Mikha 7:10 - Siswati 1996 Bible

¹⁰ Titsa tetfu tiyawutsi tingakubona loko tidliwe ngemahloni; tona leto titsa letake taba liphela endlebeni ngekusibuta titsi: “Uphi loSimakadze longuNkulunkulu wenu?” Siyawutibona setehluliwe tapitjitwa phansi, sincane seludzaka lwendlela.

Mikha 7:10 Referencias Cruzadas

2 Samuweli 22:43

Ngabagaya baba njengelutfuli, baba njengelutfuli lwemhlaba. Ngabagcobagcoba ngagidza etikwabo njengeludzaka lwendlela.

Tihlabelelo 109:29

Shangatsi labangimangalelako bangahlazeka, shangatsi emahloni angabambonya njengengubo.

Tihlabelelo 115:2

Kungani betive batsi: “Sewushonephi loNkulunkulu wabo?”

Tihlabelelo 18:42

Ngabagaya baba njengelutfuli lolupheshulwa ngumoya, ngabasaphata njengeludzaka lwendlela.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 42:10

Shangatsi kufohloteka ematsambo ami titsa natingihheletela lilanga lonkhe, titsi: “Kantsi uphi loNkulunkulu wakho?”

Tihlabelelo 42:3

Tinyembeti tami tikudla kwami busuku nemini, ngobe lilanga lonkhe bantfu bangichwephesha batsi: “Kantsi ushonephi loNkulunkulu wakho?”

Tihlabelelo 58:10

Labalungile bayawujabula nababona kuphindziselwa kwalababi, bayawuklabhuta ngetinyawo tabo engatini yalababi.

Tihlabelelo 79:10

Betive basholani kutsi: “Uphi-ke loNkulunkulu wabo?” Shangatsi kuphindzisela kwakho singakubona kwenteka kulabo labacitse ingati yetinceku takho.

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Jeremiya 49:15

“Nyalo-ke, sengitawukwenta ube ngulomncane emkhatsini wetive, wedzeleleke emkhatsini webantfu.

Jeremiya 51:24

“Embikwemehlo enu ngiyawutiphindzisela kuyo iBhabhulona, nakubo bonkhe labahlala eveni lemaBhabhulona ngako konkhe labona ngako eSiyoni,” kusho Simakadze.

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Hezekeli 7:18

Bayawukwembatsa emasaka, bagcokiswe lusizi. Buso babo bonkhe buyakwembatsa emahloni, netinhloko tabo bonkhe tiyawuhhulwa.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Obadiya 1:10

“Ngenca yebudlova bakho lobente kubomnakenu, titukulwane taJakobe, uyakwembeswa ngelihlazo, ubhujiswe ingunaphakadze.

Obadiya 1:12

Bekungakafaneli umbukele phansi umnakenu, nakavelelwe ngulokubi. Bewungakafaneli utsakase nangabe bakaJuda behlelwa yimbhubhiso. Yebo, bewungakafaneli kubacoloshela namzukwane behlelwa yinhlupheko.

Mikha 4:11

Tive letinyenti setibutsanele kuhlasela nine. Titsi: “IJerusalema imelwe kutsi ibhujiswe. Sitawubona tibondza taseSiyoni setibhidlitiwe!”

Mikha 7:8

Titsa tetfu kute letingasicoloshela ngako. Nome sesiwile, sitawuvuka futsi. Nome sesisebumnyameni kwanyalo, kodvwa Simakadze utawuba kukhanya kwetfu.

Zefaniya 3:15

Simakadze usisusile sijeziso sakho, watincandzekisa netitsa takho. Simakadze, iNkhosi yaka-Israyeli, inawe; ungeke uphindze wesabe nome nguyiphi ingoti.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Malakhi 1:5

Niyawukubona nine ngemehlo enu, bese nitsi: ‘Mukhulu Simakadze, kuze kwendlulele nangesheya kweminyele yaka-Israyeli!’ ”

Malakhi 4:3

Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.

Matewu 27:43

Wetsembele kuNkulunkulu. Akamehlise phela loNkulunkulu wakhe namtsandza! Ngobe watsi: ‘NgiyiNdvodzana yaNkulunkulu.’ ”

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!