Mikha 6:9 - Siswati 1996 Bible

⁹ Kuhlakanipha kumesaba Simakadze. Uyamemeta edolobheni utsi: “Lalelani nine bantfu lenibutsana edolobheni!

Mikha 6:9 Referencias Cruzadas

2 Samuweli 21:1

Kwaba nendlala lenkhulu ngesikhatsi sekubusa kwaDavide, kwadzimate kwaphela iminyaka lemitsatfu ilandzelana. Ngako Davide wafunisisa buso baSimakadze ngaloko. Simakadze watsi: “Loku kungenca yaSawula nangendlu yakhe lebovu ingati, kungobe Sawula wabulala bantfu baseGibeyoni.”

Jobe 10:2

Ngitawutsi kuNkulunkulu: Ungangilahli, kodvwa ngitjele kutsi cala lini longibeka lona.

Jobe 23:14

Ufeza loko lasakuncumile ngami; usenaletinyenti tinhloso letinjalo lasetigcinile.

Jobe 5:17

“Maye, ubusisiwe umuntfu locondziswa nguNkulunkulu! Ngako ungakwedzeleli kuyalwa nguSomandla.

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Tihlabelelo 48:10

Yebo, Nkulunkulu! Ludvumo lwakho lufana nelibito lakho, luhamba luze lufike emaphetselweni emhlaba. Sandla sakho sangesekudla sigcwele kulunga.

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Taga 22:3

Umuntfu lohlakaniphile ingoti uyibona iseta, bese uyayibalekela; kantsi longenangcondvo ucondza ngco kuyo, bese utisola emvakwesikhatsi.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 30:27

Bukani, Libito laSimakadze lichamuka khashane, lita nelulaka loluvutsako nangelifu lelimnyama lentfutfu, tindzebe temlomo wakhe tigcwele lulaka, nelulwimi lwakhe lungumlilo lodlako.

Isaya 66:6

Vanini umsindvo losedolobheni, nive nemsindvo losethempelini! Ungumsindvo waSimakadze atiphindzisela etitseni takhe ngenca yetento tato.

Isaya 9:13

Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.

Jeremiya 26:18

“Mikha waseMoreshethi waphrofetha ngetikhatsi taboHezekiya, inkhosi yakaJuda. Watjela bonkhe bantfu bakaJuda watsi: ‘Naku lokushiwo nguSimakadze longuSomandla, utsi: “ ‘ISiyoni iyawulinywa njengensimi. IJerusalema iyawuba yincumbi yencintsakalo, intsaba yelithempeli ibe yindvundvuma lehlume lihlatsi letinchachabutane.’

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 47:7

Kodvwa ingaphumula kanjani, nangabe Simakadze akhiphe umyalo kuyo kutsi ihlasele i-Ashkeloni nelusentse lwelwandle?”

Hezekeli 7:9

Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.

Hoseya 13:16

Bantfu baseSamariya kufanele batitfwalele licala labo, ngobe bamhlubukile Nkulunkulu wabo. Bayawubulawa ngenkemba; tinswane tabo tiyawusacatwa phansi emhlabatsini, labakhulelwe babo bahhujutwe tisu.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Amose 2:5

Ngako-ke ngitakwehlisela umlilo etikwaJuda lotawushisa ucotfule tigodlo taseJerusalema.”

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.