Mikha 6:5 - Siswati 1996 Bible

⁵ Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Mikha 6:5 Referencias Cruzadas

Tihlabelelo 111:4

Wente timangaliso takhe kutsi tikhumbuleke. Simakadze unemusa nebubele.

Tihlabelelo 143:11

Ngenca yelibito lakho, Simakadze, ngigcinele imphilo yami; ngekulunga kwakho ngephule etinhluphekweni.

Tihlabelelo 36:10

Chubeka nawo lowo musa wakho, kulabo labakwatiko, uchubeke nekulunga kwakho kulabacotfo ngenhlitiyo.

Tihlabelelo 71:19

Yebo, Nkulunkulu! Kulunga kwakho kukhulu kufikela etulu. Nguwe lowente tintfo letinkhulu. Empeleni, Nkulunkulu, ngubani lofana nawe?

Isaya 1:27

ISiyoni itawuhlengwa ngekwemtsetfocotfo, labatisolako bahlengwe ngekulunga.

Numeri 22:41

Ngakusasa ekuseni Bhalaki watsatsa Bhalamu, benyukela etulu eBhamothi Bhali, lapho afike wabona kahle incenye yalesive.

Numeri 23:27

Bhalaki wakhuluma kuBhalamu, watsi: “Kota, sihambe nawe, siye kulenye indzawo, mhlawumbe kungahle kumjabulise Nkulunkulu, akuvumele kutsi ungicalekisele lesive ukuleyo ndzawo.”

Numeri 25:1

Ngesikhatsi sive sema-Israyeli siseseShithimu, emadvodza acala kungenela kulalana nalabasikati besive semaMowabi.

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

Numeri 31:16

Ngibo laba labalandzela teluleko taBhalamu, bekungubona bashushisi labebacondze kwedukisa ema-Israyeli kutsi ahlubuke kuSimakadze kulentfo leyenteka ePheyori, kuze lulaka lwehlele sive saSimakadze.

Numeri 31:8

Babulala ngisho nemakhosi lasihlanu akaMidiyani, bo-Evi, naRekhemu, naSuri, naHure, naReba. Babulala ngisho naBhalamu, umsa waBheyori, ngelusiko lwenkemba.

Numeri 33:49

Ematsafeni akaMowabi emisa edvute nemfula iJordane kusuka eBhethi Jeshimothi kuya e-Abela Shithimu.

Kubase-Efesu 2:11

Ngako-ke khumbulani, nine betive ngekutalwa, kutsi emaJuda lasoke enyameni ngetandla abenibita ngekutsi ningulabangakasoki.

Dutheronomi 16:3

LeliPhasika ningalidli kanye nesinkhwa lesinembiliso. Kuyawuze kuphele emalanga lasikhombisa solomane nidla sinkhwa lesite imbiliso, sinkhwa selusizi, ngobe naphuma ngekuphutfuma lokukhulu eGibhithe. Loko kuyakwenta kutsi nihlale nilikhumbula njalo lilanga lenaphuma ngalo eGibhithe, yonkhe imphilo yenu.

Dutheronomi 23:6

Ningacali nisente nabo sivumelwane sekuthula nekuvana nabo, yingci nanisaphila.

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

Dutheronomi 9:7

“Khumbulani loku ningakhohlwa kutsi Simakadze Nkulunkulu wenu namcansula kanjani ehlane. Kusukela ngelilanga lenaphuma ngalo eGibhithe kuze kube ngulesikhatsi lenifike ngaso lapha seloku animlaleli Simakadze.

Joshuwa 2:1

Joshuwa, umsa waNuni, wase utfumela tinhloli letimbili ngasense kusuka eShithimu, watsi: “Hambani niyewuhlola lela live, ikakhulu lidolobha laseJerikho.” Ngako-ke tahamba tefika khona, tangenisa endlini kaRahabi, ingwadla, tahlala khona.

Joshuwa 3:1

Ngakusasa ekuseni Joshuwa nesive sonkhe sema-Israyeli bavuka kuseluvivi, besuka eShithimu bacondza eJordane, lapho bafike bakamba khona bangakeweleli ngesheya.

Joshuwa 4:19

Ngelilanga lelishumi enyangeni yekucala, sive sakhuphuka emfuleni iJordane sayawumisa eGilgali ngasemnyeleni waseJerikho longasemphumalanga.

2 yaPhetro 2:15

Bashiye indlela lecondzile bedukela endleleni yaBhalamu, umsa waBheyori, lowatsandza umvuzo lomubi.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.

Tikhulu 11:25

Uncono yini wena kunaBhalaki, umsa waSiphori, inkhosi yemaMowabi? Yena wake wacabana yini nema-Israyeli nome walwa nawo?

Tikhulu 5:11

Lalelani emaphimbo ebahlabeleli emitfonjeni. Babonga bagambute ngetento letilungile taSimakadze, tento letilungile temabutfo akhe aka-Israyeli. Sive saSimakadze sehla, sehlela emasangweni elidolobha.

1 Samuweli 12:7

Nyalo-ke manini lapha, ngobe ngitawubeka embikwenu tizatfu lapha embikwaSimakadze ngato tonkhe tintfo letinhle letentiwe nguSimakadze kini naboyihlomkhulu.