Mikha 6:4 - Siswati 1996 Bible

⁴ Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Mikha 6:4 Referencias Cruzadas

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

Tihlabelelo 77:20

Sive sakho wasihola njengetimvu, ngesandla saboMosi na-Aroni.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 3:10

Kota ngitekutfumela kuFaro, kutsi uyewukhulula bantfu bami, emadvodzana a-Israyeli, ubakhiphe eveni laseGibhithe.”

Eksodusi 4:10

Kodvwa Mosi watsi kuSimakadze: “Awu, Simakadze! Mine angisilo libeka ekukhulumeni; ngiyehluleka kukhuluma kahle seloku ngaba khona, nanyalo seloku ngicalile kukhuluma nawe. Ngikhuluma nginamule, kantsi futsi ngiyangingita.”

Eksodusi 4:16

Nguye lotakukhulumela kubantfu, abe ngumlomo wakho, wena ube njengaNkulunkulu kuye.

Eksodusi 6:27

Ngibo lababekhuluma naFaro, inkhosi yaseGibhithe, kutsi akakhulule sive sema-Israyeli siphume eGibhithe.

Jeremiya 32:21

Wakhipha sive sakho ema-Israyeli eveni laseGibhithe ngetibonakaliso nangetimangaliso ngesandla sakho lesinemandla nangengalo yakho leyelulekile, nangekutfutfumelisa lokukhulu.

Amose 2:10

“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Numeri 12:1

BoMiriyamu na-Aroni bakhuluma kabi ngaMosi, bamsola kutsi abetsetse umfati labengumKushe. Phela Mosi bekashade umfati labengumKushe.

Numeri 33:1

Leti-ke tigaba teluhambo lwesive sema-Israyeli, nasiphuma eGibhithe ngetive taso ngaphansi kwesandla saboMosi na-Aroni.

Imisebenti yebaPhostoli 7:36

Wabahola wabakhipha bantfu eGibhithe, enta timangaliso netibonakaliso eGibhithe naseLwandle Lolubovu, elugwadvule nasehlane iminyaka lengema-40.

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 24:18

Khumbulani kutsi benitigcili eGibhithe, Simakadze Nkulunkulu wenu wanephula kulelo live; ngiko nje nginiyala kutsi nikwente loku.

Dutheronomi 4:20

Kodvwa nine, Simakadze wanikhipha eGibhithe, emlilweni lomkhulu loncibilikisa insimbi, kutsi nitekuba sive lesilifa lakhe, njengobe senaba ngilo nje.

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Dutheronomi 5:6

‘NginguSimakadze Nkulunkulu wakho lowakukhipha eGibhithe, eveni lebugcili.

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.

Dutheronomi 9:26

Ngathandaza kuSimakadze ngatsi: ‘Hawu, Somandla, Simakadze, ungasibhubhisi sive sakho lesilifa lakho lowalihlenga ngemandla akho lamakhulu, wasikhipha eGibhithe ngesandla lesinemandla.

1 Samuweli 12:6

Samuweli wase ukhuluma kubantfu, utsi: “NguSimakadze lowabeka boMosi na-Aroni, wakhipha boyihlomkhulu eveni laseGibhithe.